Hum se Ismail bin Abi Oways ne byaan kiya , kaha hum se Imam Malik ne byaan kiya , kaha hum se Yahya bin Saeed Ansari ne , in se Qasim bin Muhammad aur Sulayman bin Yasar ne , woh donon byaan karte thay ke Yahya bin Saeed bin al-Aas ne Abdur Rahman bin Hakam ki sahibzadi (Umrah) ko talaq de di thi aur in ke baap Abdur Rahman unhein in ke (shohar ke) ghar se le aaye (iddat ke ayyam guzarne se pehle) . Aisha razi Allahu anha ko jab maloom hua to unhon ne Marwan bin Hakam ke yahan , jo is waqt Madinah ka ameer tha , kahlwaya ke Allah se dro aur larki ko is ke ghar (jahan usay talaq hui hai) pahuncha do . Jaisa ke Sulayman bin Yasar ki hadees mein hai . Marwan ne is ko jawab yeh diya ke larki ke walid Abdur Rahman bin Hakam ne meri baat nahi maani aur Qasim bin Muhammad ne byaan kiya ke (Marwan ne Umm al-Momineen ko yeh jawab diya ke) kiya Aap ko Fatima bint Qays razi Allahu anha ke muamla ka ilm nahi hai ? (unhon ne bhi apne shohar ke ghar iddat nahi guzari thi) . Aisha razi Allahu anha ne batlaya ke agar tum Fatima ke waqia ka hawala na dete tab bhi tumhara kuch na bigarta (kyunke woh tumhare liye daleel nahi ban sakta) . Marwan bin Hakam ne is par kaha ke agar Aap ke nazdeek (Fatima razi Allahu anha ka in ke shohar ke ghar se muntaqil karna) in ke aur in ke shohar ke rishta-dari ke darmiyan kasheedgi ki wajah se thu to yahan bhi yahi wajah kafi hai ke donon (miyan biwi) ke darmiyan kasheedgi thi .

Hum se Muhammad bin Bashar ne byaan kiya , kaha hum se Ghundar Muhammad bin Jafar ne byaan kiya , kaha hum se Shubah bin Hajjaj ne byaan kiya , in se Abdur Rahman bin Hurmuz ne , in se un ke walid ne aur in se Aisha razi Allahu anha ne kaha Fatima bint Qays , Allah se darti nahi! In ka isharah in ke is qaul ki taraf tha (ke mutallaqa baaina ko) «nafaqatan wa sukna» dena zaroori nahi jo kehti hai ke talaq e baain jis aurat par pare usay maskan aur kharcha nahi mile ga .

Hum se Amr bin Abbas ne byaan kiya , kaha hum se Ibn Mahdi ne byaan kiya , kaha hum se Sufyan ne byaan kiya , in se Abdur Rahman bin Qasim ne , in se un ke walid ne ke Urwah bin Zubayr ne Aisha razi Allahu anha se kaha ke Aap fulana (Umrah bint Hakam) bint Hakam ka muamla nahi dekhtien . In ke shohar ne unhein talaq e baaina de di aur woh wahan se nikal aayin (iddat guzare baghair) . Aisha razi Allahu anha ne farmaya ke jo kuch us ne kiya bahut bura kiya . Urwah ne kaha Aap ne Fatima razi Allahu anha ke waqia ke mutalliq nahi suna . Batlaya ke is ke liye is hadees ko zikr karne mein koi khair nahi hai aur Ibn Abi Zinad ne Hisham se yeh izafa kiya hai aur in se un ke walid ne byaan kiya ke Aisha razi Allahu anha ne (Umrah bint Hakam ke muamle par) apni shadeed nagowari ka izhaar farmaya aur farmaya ke Fatima bint Qays razi Allahu anha to ek ujaarr jagah mein thien aur is ke charon taraf khauf aur wahshat barasti thi , is liye Nabi Karim salla Allahu alaihi wasallam ne (wahan se muntaqil hone ki) unhein ijazat de di ku .

Hum se Adam bin Abi Iyas ne byaan kiya , kaha hum se Shubah ne , kaha hum se Humayd bin Nafi ne , in se Zaynub bint Umm Salamah razi Allahu anhuma ne apni walda se ke ek aurat ke shohar ka intiqal ho gaya , is ke baad is ki aankh mein takleef hui to is ke ghar wale Rasool Allah salla Allahu alaihi wasallam ki khidmat mein hazir huay aur Aap se surma lagaane ki ijazat maangi . Nabi Karim salla Allahu alaihi wasallam ne farmaya ke surma (zamana e iddat mein) na lagao . (zamana e jahiliyat mein) tumhein bad-tareen kapre mein waqt guzaarna parta tha , ya (rawi ko shak tha ke yeh farmaya ke) bad-tareen ghar mein waqt (iddat) guzaarna parta tha . Jab is tarah ek saal poora ho jata to is ke paas se kutta guzarta aur woh is par meingni phenkti (jab iddat se bahar aati) pas surma na lagao . Yahan tak ke char mahine das din guzar jayein .

Hum se Muhammad bin Bashar ne byaan kiya , kaha hum se Ghundar Muhammad bin Jafar ne byaan kiya , kaha hum se Shubah bin Hajjaj ne byaan kiya , in se Abdur Rahman bin Hurmuz ne , in se un ke walid ne aur in se Aisha razi Allahu anha ne kaha Fatima bint Qays , Allah se darti nahi! In ka isharah in ke is qaul ki taraf tha (ke mutallaqa baaina ko) «nafaqatan wa sukna» dena zaroori nahi jo kehti hai ke talaq e baain jis aurat par pare usay maskan aur kharcha nahi mile ga .

Hum se Amr bin Abbas ne byaan kiya , kaha hum se Ibn Mahdi ne byaan kiya , kaha hum se Sufyan ne byaan kiya , in se Abdur Rahman bin Qasim ne , in se un ke walid ne ke Urwah bin Zubayr ne Aisha razi Allahu anha se kaha ke Aap fulana (Umrah bint Hakam) bint Hakam ka muamla nahi dekhtien . In ke shohar ne unhein talaq e baaina de di aur woh wahan se nikal aayin (iddat guzare baghair) . Aisha razi Allahu anha ne farmaya ke jo kuch us ne kiya bahut bura kiya . Urwah ne kaha Aap ne Fatima razi Allahu anha ke waqia ke mutalliq nahi suna . Batlaya ke is ke liye is hadees ko zikr karne mein koi khair nahi hai aur Ibn Abi Zinad ne Hisham se yeh izafa kiya hai aur in se un ke walid ne byaan kiya ke Aisha razi Allahu anha ne (Umrah bint Hakam ke muamle par) apni shadeed nagowari ka izhaar farmaya aur farmaya ke Fatima bint Qays razi Allahu anha to ek ujaarr jagah mein thien aur is ke charon taraf khauf aur wahshat barasti thi , is liye Nabi Karim salla Allahu alaihi wasallam ne (wahan se muntaqil hone ki) unhein ijazat de di ku .

`Mujh se Hibban bin Musa ne bayan kiya, kaha hum ko Abdullah bin Mubarak ne khabar di, kaha hum ko Ibn Jurayj ne khabar di, unhein Ibn Shihab ne, unhein Urwa ne ke Aisha Radi Allahu Anha ne Fatima bint Qais Radi Allahu Anha ki is baat ka (ke mutallaqa baina ko «nafaqa wa sukna» nahi mile ga) inkar kiya.