Hum se Ali bin Abdullah ne byaan kiya, kaha hum se Sufyan Sawri ne byaan kiya, kaha hum se Zuhri ne, un se Salim ne aur un se un ke walid (Abdullah bin Umar razi Allahu anhuma) ne aur un se Nabi Karim salla Allahu alaihi wasallam ne ke jab tum mein se kisi ki biwi masjid mein (namaz parhne ke liye) jaane ki ijazat maange to usay na roko balkay ijazat de do.

Hum se Ubaydullah bin Musa ne Hanzalah bin Abi Sufyan se byaan kiya , un se Salim bin Abdullah bin Umar ne , un se un ke baap Ibn Umar razi Allahu anhuma ne , woh Nabi Karim salla Allahu alaihi wasallam se riwayat karte thay ke Aap salla Allahu alaihi wasallam ne farmaya ke agar tumhari biwiyan raat mein masjid aane ki tum se ijazat mangen to tum log unhein is ki ijazat de diya karo . Ubaydullah ke saath is hadees ko Shubah ne bhi Amash se riwayat kiya , unhon ne Mujahid se , unhon ne Ibn Umar razi Allahu anhuma se aur unhon ne Nabi Karim salla Allahu alaihi wasallam se .

Hum se Musaddad bin Musarhad ne byaan kiya , kaha ke hum se Yazid bin Zuray ne byaan kiya , un se Mamar ne , un se Zuhri ne , un se Salim bin Abdullah bin Umar ne , un se un ke baap ne , unhon ne Nabi Karim salla Allahu alaihi wasallam se riwayat ki hai ke Aap salla Allahu alaihi wasallam ne farmaya ke jab tum mein se kisi ki biwi (namaaz parhne ke liye masjid mein aane ki) us se ijazat mange to shauhar ko chahiye ke us ko na roke .

Hum se Abdullah bin Muhammad Musandi ne byaan kiya , kaha ke hum se Shababah ne byaan kiya , kaha ke hum se Warqa bin Amr ne byaan kiya , un se Amr bin Dinar ne , un se Mujahid ne , un se Ibn Umar razi Allahu anhuma ne ke Nabi Karim salla Allahu alaihi wasallam ne farmaya auraton ko raat ke waqt masjidon mein aane ki ijazat de diya karo .

Hum se Yusuf bin Musa ne byaan kiya , kaha ke hum se Abu Usamah ne byaan kiya kaha ke hum se Ubaydullah ibn Umar ne byaan kiya , un se Nafi ne , un se Abdullah bin Umar razi Allahu anhuma ne , unhon ne kaha ke Umar razi Allahu anhu ki ek biwi thi jo subah aur Isha ki namaaz jamaat se parhne ke liye masjid mein aya karti thi . Un se kaha gaya ke bawajood is ilm ke ke Umar razi Allahu anhu is baat ko makrooh jaante hain aur woh ghayrat mehsoos karte hain phir Aap masjid mein kyun jati hain . Is par unhon ne jawab diya ke phir woh mujhe mana kyun nahi kar dete . Logon ne kaha ke Rasool Allah salla Allahu alaihi wasallam ki is hadees ki wajah se ke Allah ki bandiyon ko Allah ki masjidon mein aane se mat roko .