Hum se Abdur Rahman bin al-Mubarak ne byaan kiya, kaha hum se Abdul Waris ne byaan kiya, kaha hum se Abdul Aziz bin Suhayb ne byaan kiya, un se Anas bin Malik razi Allahu anhu ne byaan kiya ke Nabi Karim salla Allahu alaihi wasallam ne auraton aur bachon ko kisi shadi se aate huay dekha to Aap salla Allahu alaihi wasallam khushi ke maarey jaldi se kharay ho gaye aur farmaya: ya Allah! (tu gawah reh) tum log sab logon se zyada mujhko mahboob ho.

Hum se Abu Ma'mar ne bayan kiya, unhon ne kaha hum se Abdul Waris ne bayan kiya, kaha hum se Abdul Aziz ne bayan kiya aur un se Anas Bin Malik Radi Allahu Anhu ne bayan kiya ke ek martaba Nabi Kareem Sallallahu Alaihi Wasallam ne (Ansar ki) aurton aur bacchon ko mere guman ke mutabiq kisi shadi se wapas aate hue dekha to aap Sallallahu Alaihi Wasallam kharay ho gaye aur farmaya Allah (gawah hai) tum log mujhe sab se zyada azeez ho, teen baar aap ne aisa hi farmaya
.

Hum se Yaqub Bin Ibrahim Bin Kaseer ne bayan kiya, kaha hum se Bahz Bin Asad ne bayan kiya, kaha hum se Shuba ne bayan kiya, kaha ke mujhe Hisham Bin Zaid ne khabar di, kaha ke mein ne Anas Bin Malik Radi Allahu Anhu se suna unhon ne kaha ke Ansar ki ek aurat Nabi Kareem Sallallahu Alaihi Wasallam ki khidmat mein hazir huin. Un ke sath ek un ka bacha bhi tha. Aap Sallallahu Alaihi Wasallam ne un se kalam kiya phir farmaya: Is zaat ki qasam! Jis ke hath mein meri jaan hai. Tum log mujhe sab se zyada mehboob ho do martaba aap Sallallahu Alaihi Wasallam ne ye jumla farmaya
.

Hum se Muhammad bin Bashar ne hadees byaan ki, un se Ghundar ne hadees byaan ki, un se Shubah ne hadees byaan ki, un se Hisham ne byaan kiya, unhon ne Anas bin Malik razi Allahu anhu se suna, unhon ne byaan kiya ke qabila Ansar ki ek khatoon Nabi Karim salla Allahu alaihi wasallam ke paas aayin aur Nabi Karim salla Allahu alaihi wasallam ne is se logon se ek taraf ho kar tanhayi mein guftagu ki is ke baad Nabi Karim salla Allahu alaihi wasallam ne farmaya ke tum log (yani Ansar) mujhe sab logon se zyada azeez ho.

Hum se Ishaq ne bayan kiya, kaha hum se Wahb bin Jareer ne bayan kiya, kaha hamain ko Shubah ne khabar di Hisham bin Zaid se aur unhein Anas bin Malik razi Allahu anhu ne ke Ansari khatoon Nabi Karim salla Allahu alaihi wasallam ki khidmat mein hazir huaien, in ke saath in ke bache bhi thay. Nabi Karim salla Allahu alaihi wasallam ne in se farmaya ke is zaat ki qasam jis ke hath mein meri jaan hai tum log bhi mujhe tamam logon mein sab se zyada azeez ho. Yeh alfaz Nabi Karim salla Allahu alaihi wasallam ne teen martaba farmaye.