Hum se Abdullah bin Yusuf Tinnisi ne bayan kiya , unhon ne kaha ke humein Imam Malik ne Aamir bin Abdullah bin Zubair raziyallahu anhuma se khabar di , unhon ne Amr bin Sulaim Zurqi se , unhon ne Abu Qatada Ansari raziyallahu anhu se ke Rasool Allah salla Allahu alaihi wa sallam Imama bint Zainab bint Rasool Allah salla Allahu alaihi wa sallam ko baaz auqaat namaz parhte waqt uthaye hote thay . Abul Aas bin Rabia bin Abd Shams ki hadees mein hai ke sajda mein jate to utar dete aur jab qiyam farmate to utha lete .

Hum se Abu al-Waleed ne bayan kiya, kaha hum se Layth ne bayan kiya, kaha hum se Saeed Muqbiri ne bayan kiya, kaha hum se Amr bin Sulaym ne bayan kiya, kaha hum se Abu Qatadah razi Allahu anhu ne bayan kiya, kaha ke Nabi Karim salla Allahu alaihi wasallam bahar tashreef laaye aur Umamah bint Abi al-Aas (jo bachi thien) woh Aap ke shana e mubarak par thien phir Nabi Karim salla Allahu alaihi wasallam ne namaz parhi jab Aap rukoo karte to unhein utaar dete aur jab kharay hote to phir utha laite.