Hum se Amr bin Ali ne byaan kiya , kaha hum se Yahya ne byaan kiya , un se Usman bin Aswad ne byaan kiya , unhon ne Ibn Abi Mulaykah se suna aur unhon ne Aisha razi Allahu anha se suna , unhon ne byaan kiya ke main ne Nabi Karim salla Allahu alaihi wasallam se suna .

Hum se Sa’eed bin Abi Maryam ne bayan kiya, unhein Nafi’ bin Umar ne khabar di, unhein Ibn-e-Abi Mulaikah ne batlaaya ke Rasoolullah Sallallahu Alaihi Wasallam ki biwi Aisha Radhiallahu Anha jab koi aisi baatein suntien jis ko samajh na paatien to dobarah us ko ma’loom kartien taake samajh len. Chunanche (ek martaba) Nabi Kareem Sallallahu Alaihi Wasallam ne farmaaya ke jis se hisaab liya gaya use ’azaab kiya jaayega. Aisha Radhiallahu Anha farmaati hain ke (yeh sun kar) main ne kaha ke kya Allah ne yeh nahi farmaaya ke an-qareeb us se aasaan hisaab liya jaayega? Rasoolullah Sallallahu Alaihi Wasallam ne farmaaya ke yeh sirf (Allah ke darbaar mein) peshi ka zikr hai. Lekin jis ke hisaab main jaanch padtaal ki gayi (samjho) woh ghaarat ho gaya.

Hum se Ubaidullah bin Musa ne bayan kiya , in se Usman bin Aswad ne bayan kiya , in se Ibn Abi Mulaykah ne , in se Umm al-Momineen Aisha razi Allahu anha ne bayan kiya ke Nabi Karim salla Allahu alaihi wasallam ne farmaya ”jis ke hisab mein khod-kureed ki gayi us ko zaroor azab ho ga .“ Woh kehti hain ke main ne arz kiya: ya Rasool Allah! kiya Allah Ta'ala ka yeh farman nahi hai «fasaufa yuhaasabu hisaabany-yaseeran» ”phir anqareeb in se halka hisab liya jaye ga .“ Nabi Karim salla Allahu alaihi wasallam ne farmaya ke is se murad sirf peshi hai .

Mujh se Ishaq bin Mansoor ne bayan kiya , kaha hum se Rauh bin Ubadah ne bayan kiya , kaha hum se Hatim bin Abu Sagheera ne bayan kiya , kaha hum se Abdullah bin Abi Mulaykah ne bayan kiya , kaha mujh se Qasim bin Muhammad ne bayan kiya aur in se Aisha razi Allahu anha ne bayan kiya ke Rasool Allah salla Allahu alaihi wasallam ne farmaya ”jis shakhs se bhi Qayamat ke din hisab liya gaya pas woh halak hua . Main ne arz kiya: ya Rasool Allah! kiya Allah Ta'ala ne khud nahi farmaya hai «fa-ammaa man ootiya kitaabahoo bi-yameenihee fasaufa yuhaasabu hisaabany-yaseeran» ke ”pas jis ka naama e aamal is ke dayein hath mein diya gaya to anqareeb is se ek aasaan hisab liya jaye ga .“ Is par Nabi Karim salla Allahu alaihi wasallam ne farmaya ke yeh to sirf peshi ho gi . (Allah Rabb-ul-Izzat ke kehne ka matlab yeh hai ke) Qayamat ke din jis ke bhi hisab mein khod-kureed ki gayi us ko azab yaqeeni ho ga .