Hum se Maaz bin Fadala ne byaan kiya, kaha hum se Hisham bin Urwah ne byaan kiya, un se Yahya bin Saeed Qattan ne, un se Ibn Hakeem ne, un se Saeed bin Jubayr ne aur un se Ibn Abbas ne kaha ke agar kisi ne apne oopar koi halal cheez haram kar li to is ka kaffara dena ho ga. Ibn Abbas razi Allahu anhuma ne kaha «laqad kaana lakum fee rasoolillahi uswatun hasanatun» yani ”beshak tumhare liye tumhare Rasool Allah ki zindagi mein behtareen namuna hai.“

Mujh se Hasan bin al-Sabbah ne byaan kiya , unhon ne Rabee bin Nafi se suna ke hum se Muawiyah bin Salam ne byaan kiya , in se Yahya bin Abi Kaseer ne , in se Yala bin Hakeem ne , in se Saeed bin Jubayr ne , unhon ne unhein khabar di ke unhon ne Ibn Abbas razi Allahu anhuma se suna , unhon ne byaan kiya ke agar kisi ne apni biwi ko apne oopar haram kaha to yeh koi cheez nahi aur farmaya ke tumhare liye Rasool Allah salla Allahu alaihi wasallam ki pairwi umdah pairwi hai .