Hum se Qutaybah bin Saeed ne byaan kiya, kaha hum se Layth bin Saad ne byaan kiya, un se Nafi ne aur un se Abdullah bin Umar razi Allahu anhuma ne byaan kiya ke Rasool Allah salla Allahu alaihi wasallam ne Banu Nadheer ke khajooron ke darakht jala diye thay aur unhein kaat dala tha. Yeh darakht Maqam e Buwayra mein thay phir is ke mutalliq Allah Ta'ala ne aayat nazil ki «ma qata'tum min leenatin au taraktumooha qaa'imatan ala usooliha fa-bi-izhnillahi wa liyukhzhiyal faasiqeena» ke ”jo khajooron ke darakht tum ne kaate ya unhein un ki jaroon par qaim rehne diya so yeh donon Allah hi ke hukm ke muwafiq hain aur taake nafarmanon ko zaleel kare.“

Hum se Musa Bin Ismail ne bayan kiya, ke hum se Juwairiyah ne bayan kiya, un se Nafi ne, aur un se Abdullah Bin Umar (Radi Allahu Anhuma) ne bayan kiya ke Nabi Kareem (Sallallahu Alaihi Wasallam) ne Bani Nadheer ke khajooron ke bagh jala diye aur kaat diye. In hi ke baghat ka naam Buairah tha. Aur Hassan (Radi Allahu Anhu) ka ye sher isi ke mutalliq hai. Bani Luwayi (Quraish) ke sardaron par (ghalba ko) Buairah ki aag ne aasan bana diya jo har taraf phailti hi ja rahi thi
.

Hum se Muhammad Bin Kaseer ne bayan kiya ‘ kaha hum ko Sufyan Bin Uyainah ne khabar di ‘ unhein Musa Bin Uqba ne ‘ unhein Nafi ne aur un se Ibn Umar (Radi Allahu Anhuma) ne bayan kiya ke Nabi Kareem (Sallallahu Alaihi Wasallam) ne (yahud) Banu Nazeer ke khajoor ke baghat jalwa diye thay
.

Hum se Adam ne bayan kiya, kaha hum se Laith ne bayan kiya, un se Nafi ne aur un se Ibn Umar (Radi Allahu Anhuma) ne bayan kiya ke Nabi Kareem Sallallahu Alaihi Wasallam ne Bani Nazir ke khajooron ke baghat jalwa diye thay aur un ke darakhton ko katva diya tha. Ye baghat maqam-e-Buwairah mein thay is par ye ayat nazil hui «ma qata'tum min linatin au taraktumuha qaimatan ala usuliha fabi'iznillah» ”Jo darakht tum ne kaat diye hain ya jinhein tum ne chor diya hai ke wo apne jaron par kharay rahein to ye Allah ke hukm se hua hai“
.

Hum se Ishaq ne bayan kiya, kaha hum ko Habban ne khabar di, unhein Juwairiya Bin Asma ne, unhein Nafi ne, unhein Ibn Umar (Radi Allahu Anhuma) ne ke Nabi Kareem Sallallahu Alaihi Wasallam ne Banu Nazir ke baghat jalwa diye thay. Unhon ne kaha ke Hassan Bin Sabit Radi Allahu Anhu ne isi ke mutaliq ye sher kaha tha (tarjuma) ”Banu Luai (Quraish) ke sardaron ne bari aasani ke sath bardasht kar liya. Maqam-e-Buwairah mein is aag ko jo phail rahi thi.“ Bayan kiya ke phir is ka jawab Abu Sufyan Bin Harith ne in ashaar mein diya. ”Khuda kare ke Madina mein hamesha yun hi aag lagti rahe aur is ke atraf mein yun hi sholay uthte rahein. Tumhein jald hi maloom ho jaye ga ke hum mein se kaun is maqam-e-Buwairah se door hai aur tumhein maloom ho jaye ga ke kis ki zameen ko nuqsan pahunchta hai“
.