Hum se Abdullah bin Abi al-Aswad ne byaan kiya , kaha hum se Harami ne byaan kiya , kaha hum se Shubah ne byaan kiya , un se Qatadah ne aur un se Anas razi Allahu anhu ne ke Nabi Karim salla Allahu alaihi wasallam ne farmaya ke jahannum mein dozakhiyon ko dala jaye ga aur woh kahe gi «hal mim mazeedin» ke kuch aur bhi hai ? Yahan tak ke Allah Rabb al-Izzat apna qadam is par rakkhe ga aur woh kahe gi ke bas bas .

Hum se Adam bin Abi Iyas ne bayan kiya , kaha hum se Shayban ne bayan kiya , kaha hum se Qatadah ne bayan kiya , in se Anas bin Malik razi Allahu anhu ne ke Nabi Karim salla Allahu alaihi wasallam ne farmaya ”jahannum barabar yahi kehti rahe gi ke kya kuch aur hai kya kuch aur hai ? Aakhir Allah Tabarak wa Ta'ala apna qadam is mein rakh de ga to woh keh uthe gi bas bas main bhar gayi , teri izzat ki qasam! Aur is ka baaz hissa baaz ko khane lage ga .“ Is riwayat ko Shubah ne Qatadah se naqal kiya .

Hum se Abdullah bin Abi al-Suwad ne bayan kiya, kaha hamase Harami bin Ammarah ne, kaha hamase Shubah ne, in se Qatadah ne aur in se Anas razi Allahu anhune ke Nabi Karim salla Allahu alaihi wasallam ne farmaya ”logon ko dozakh mein dala jaye ga (doosri sanad) aur mujh se Khaleefa bin Khay-yaat ne bayan kiya, kaha hamase Yazid bin Zuray ne bayan kiya, kaha hamase Saeed bin Abi Arooba ne, in se Qatadah ne, in se Anas razi Allahu anhune. (Teesri sanad) aur Khaleefa bin Khay-yaat ne is hadees ko Mutamir bin Sulayman se riwayat kiya, kaha main ne apne walid se suna, unhon ne Qatadah se, unhon ne Anas razi Allahu anhuse ke Nabi kareem salla Allahu alaihi wasallam ne farmaya ”dozakhiyon ko barabar dozakh mein dala jata rahe ga aur woh kahe jaye gi ke kiya abhi aur hai. Yahan tak ke Rabb-ul-Aalameen is par apna qadam rakh de ga aur phir is ka baaz baaz se simat jaye ga aur is waqt woh kahe gi ke bas bas ‘ teri izzat aur karam ki qasam! aur jannat mein jagah baqi reh jaye gi. Yahan tak ke Allahis ke liye ek aur makhlooq paida kar de ga aur woh log jannat ke baqi hisse mein rahein ge.“