Hum se Ali bin Abdullah Madini ne byaan kiya , kaha hum se Sufyan bin Uyaynah ne byaan kiya , kaha Amr bin Dinar ne kaha , unhon ne Jabir bin Abdullah Ansari razi Allahu anhuma se suna , unhon ne byaan kiya ke hamare hi baare mein yeh aayat nazil hui thi , jab hum se do jama'atein is ka khayal kar baithi thien ke himmat haar dein , dar-aan halaikay Allah donon ka madadgar tha . Sufyan ne byaan kiya ke hum do jama'atein Banu Harisa aur Banu Salmah thay . Haalan ke is aayat mein hamare boode-pan ka zikr hai , magar hum ko yeh pasand nahi ke yeh aayat na utarti kyunke is mein yeh mazkoor hai ke Allah in donon grohon ka madadgar (sar-parast) hai .

Hum se Ali bin Abdullah Madini ne byaan kiya kaha , hum se Sufyan bin Uyaynah ne byaan kiya , kaha ke mujh se Ibn Shubrumah ne byaan kiya (jo Kufa ke qazi thay) ke main ne ghaur kiya ke namaz mein kitna Quran parhna kafi ho sakta hai . Phir main ne dekha ke ek surat mein teen aayaton se kam nahi hai . Is liye main ne yeh rai qaim ki ke kisi ke liye teen aayaton se kam parhna munasib nahi . Ali Madini ne byaan kiya ke hum se Sufyan Sawri ne byaan kiya , kaha hum ko Mansoor ne khabar di , unhein Ibrahim ne , unhein Abdur Rahman bin Yazid ne , unhein Alqamah ne khabar di aur unhein Abu Masood razi Allahu anhu ne (Alqamah ne byaan kiya ke) main ne in se mulaqat ki to woh Bayt-ullah ka tawaf kar rahe thay . Unhon ne Nabi Karim salla Allahu alaihi wasallam ka zikr kiya (ke Nabi Karim salla Allahu alaihi wasallam ne farmaya tha) ke jis ne Surah al-Baqarah ke aakhri ki do aayatein raat mein parh lien woh is ke liye kafi hain .