Hum se Ali bin Abu Hashim ne byaan kiya , unhon ne Hushaym se suna , unhon ne kaha hum ko Awam bin Haushab ne khabar di , unhein Ibrahim bin Abdur Rahman ne aur unhein Abdullah bin Abi Awfa razi Allahu anhu ne ke ek shakhs ne bazar mein saman bechte huay qasam khayi ke falan shakhs is saman ka itna rupiyah de raha tha , haalan ke kisi ne itni qemat nahi lagayi thi , balkay is ka maqsad yeh tha ke is tarah kisi Musalman ko woh dhoka de kar usay thag le to is par yeh aayat nazil hui «innallazhina yashtaroona biahdillahi wa aimanihim samanan qaleelan» ke ”beshak jo log Allah ke ahad aur apni qasmon ko thori qemat par bechte hain .“ Aakhir aayat tak .

Hum se Amr Bin Muhammad ne bayan kiya, kaha ke hum se Hushaim ne bayan kiya, kaha ke hum ko Awam Bin Haushab ne khabar di, unhein Ibrahim Bin Abdur Rahman ne aur unhein Abdullah Bin Abi Aufa (Radi Allahu Anhu) ne ke bazaar mein ek shakhs ne ek saman dikha kar qasam khayi ke is ki itni qeemat lag chuki hai. Halankay is ki itni qeemat nahi lagi thi is qasam se is ka maqsad ek musalman ko dhoka dena tha. Is par ye ayat utri «Innal-ladheena yashtaroona bi-ahdil-lahi wa-aimanihim thamanan qaleela» ”Jo log Allah ke ahd aur apni qasmon ko thori qeemat ke badla mein bechte hain.“
.