Hum se Musa bin Ismail ne bayan kiya , unhone kaha hum se Abdul Aziz bin Muslim ne bayan kiya , un se Abdullah bin Dinar ne bayan kiya , kaha ke main ne Ibn Umar rz se suna , unhone bayan kiya ke log Quba mein subah ki namaz parh rahe thay ke ek sahab aaye aur kaha ke raat Quran nazil hua hai aur Kaaba ki taraf munh kar lene ka hukm hua hai . Is liye aap log bhi Kaaba ki taraf munh kar lein aur jis halat mein hain , isi tarah us ki taraf mutawajja ho jayein (yeh sunte hi) tamam Sahaba rz Kaaba ki taraf mutawajja ho gaye . Is waqt logon ka munh Shaam ki taraf tha .

Hum se Abdullah bin Yusuf ne bayan kiya, unhon ne kaha humein Imam Malik ne Abdullah bin Dinar ke wasita se, unhon ne Abdullah bin Umar se, Aap ne farmaya ke log Quba mein fajr ki namaz padh rahe thay ke itne mein ek aane wala aaya. Us ne bataya ke Rasool Allah Sallallahu Alaihi Wasallam par kal wahi nazil hui hai aur unhein Kaaba ki taraf (namaz mein) munh karne ka hukm ho gaya hai. Chunanchay un logon ne bhi Kaaba ki janib munh kar liye jab ke is waqt woh Sham ki janib munh kiye hue thay, is liye woh sab Kaaba ki janib ghoom gaye.