Hum se Usman bin Abi Shaybah ne byaan kiya , kaha ke hum se Jareer ne byaan kiya , un se Mansoor ne , un se Abu Wail ne , un se Amr bin Sharahbeel ne aur un se Abdullah bin Masood razi Allahu anhu ne byaan kiya ke main ne Nabi Karim salla Allahu alaihi wasallam se poocha , Allah ke nazdeek kaun sa gunah sab se bara hai ? Farmaya aur yeh ke tum Allah ke saath kisi ko barabar thehrao haalan ke Allah hi ne tum ko paida kiya hai . Main ne arz kiya yeh to waqayi sab se bara gunah hai , phir is ke baad kaun sa gunah sab se bara hai ? Farmaya yeh ke tum apni aulad ko is khauf se maar daalo ke woh tumhare saath khayein ge . Main ne poocha aur is ke baad ? Farmaya yeh ke tum apne parosi ki aurat se zina karo .

Mujh se Ishaq Bin Nasr ne bayan kiya kaha hum se Abdur Razzaq ne bayan kiya un se Maamar ne un se Hammam Bin Munabbih ne aur unhon ne Abu Hurairah (Radi Allahu Anhu) se suna. Unhon ne bayan kiya ke Nabi Kareem (Sallallahu Alaihi Wasallam) ne farmaya "Bani Israel ko hukam hua tha ke Bait-ul-Muqaddas mein sajda-o-ruku karte hue dakhil hon aur ye kehte hue ke ya Allah! Hum ko bakhsh de. Lekin unhon ne is ko ulta kiya aur apne choutaron ke bal ghisat-te hue dakhil hue aur ye kehte hue «habbatun fi sha-ratin» (yani baliyon mein daane khoob hon) dakhil hue."

Hum se Ishaq ne byaan kiya , kaha hum ko Abdur Razzaq ne khabar di , kaha hum ko Mamar ne khabar di , unhein Hammam bin Munabbih ne , unhon ne Abu Hurairah razi Allahu anhu se suna , unhon ne byaan kiya ke Rasool Allah salla Allahu alaihi wasallam ne farmaya ke Bani Israeel se kaha gaya tha ke darwaze mein (aajzi se) jhukte huay dakhil ho aur kehte jao ke tauba hai , to hum tumhari khatayein maaf kar dein ge , lekin unhon ne hukm badal dala . Chotaron ke bal ghisat-te huay dakhil huay aur yeh kaha ke «habbatun fee sharatun» yani hum ko baliyon mein dana chahiye .