Mujh se Abdullah bin Muhammad al-Jafi ne byaan kiya , kaha hum se Abu Aamir Abdul Malik ne byaan kiya , unhon ne kaha ke hum se Ibrahim ne byaan kiya , (yeh Tahman ke bete hain .) un se Abu Jamrah ne byaan kiya aur un se Abdullah bin Abbas razi Allahu anhuma ne byaan kiya ke Rasool Allah salla Allahu alaihi wasallam ki masjid yani Masjid e Nabwi ke baad sab se pehla Juma Juwasa ki masjid Abdul Qays mein qaim hua . Juwasa Bahrayn ka ek gaon tha .

Hum se Muhammad bin Muthanna ne byaan kiya , unhon ne kaha ke hum se Abu Aamir Aqdi ne byaan kiya , unhon ne kaha ke hum se Ibrahim bin Tahman ne byaan kiya , un se Abu Jamrah Nazr bin Abdur Rahman Dubayi ne , un se Abdullah bin Abbas razi Allahu anhuma ne , Aap ne farmaya ke Nabi Karim salla Allahu alaihi wasallam ki masjid ke baad sab se pehla juma Bano Abdul Qays ki masjid mein hua jo Bahrain ke mulk Jawathi mein thi .