Hum se Qutaybah bin Saeed ne byaan kiya ‘ kaha hum se Hatim bin Ismail ne byaan kiya ‘ un se Yazid bin Abi Ubayd ne byaan kiya aur unhon ne Salmah bin Akwa razi Allahu anhu se suna ‘ woh byaan karte thay ke main Nabi Karim salla Allahu alaihi wasallam ke hamrah saat ghazwon mein shareek raha hoon aur nau aise lashkaron mein shareek hua hoon jo Aap ne rawana kiye thay . (magar Aap khud un mein nahi gaye) kabhi hum par Abu Bakr razi Allahu anhu ameer huay aur kisi fauj ke ameer Usamah razi Allahu anhu huay .

Aur Umar bin Hafs bin Ghiyas ne (jo Imam Bukhari rahmahullah ke shaykh hain) byaan kiya kaha hum se hamare walid ne byaan kiya ‘ un se Yazid bin Abi Ubayd ne byaan kiya aur unhon ne Salmah bin Akwa razi Allahu anhu se suna ‘ woh byaan karte thay ke main Nabi Karim salla Allahu alaihi wasallam ke saath saat ghazwon mein shareek raha hoon aur nau aisi laraiyon mein gaya hoon jin ko khud Nabi Karim salla Allahu alaihi wasallam ne bheja tha . Kabhi hamare ameer Abu Bakr razi Allahu anhu hote aur kabhi Usamah razi Allahu anhu hote .

Hum se Abu Aasim al-Dahhak bin Makhlad ne byaan kiya ‘ kaha hum se Yazid bin Abi Ubayd ne byaan kiya ‘ un se Salmah bin Akwa razi Allahu anhu ne byaan kiya ke main Nabi Karim salla Allahu alaihi wasallam ke saath saat ghazwon mein shareek raha hoon aur main ne Ibn Haritha (yani Usamah razi Allahu anhu) ke saath bhi ghazwa kiya hai . Nabi Karim salla Allahu alaihi wasallam ne unhein hum par ameer banaya tha .

Hum se Muhammad bin Abdullah ne byaan kiya ‘ kaha hum se Hammad bin Masadah ne byaan kiya ‘ un se Yazid bin Abi Ubayd ne aur un se Salmah bin Akwa razi Allahu anhu ne ke main ne Nabi Karim salla Allahu alaihi wasallam ke saath saat ghazway kiye . Is silsila mein unhon ne Ghazwa Khaybar ‘ Ghazwa Hudaybiyah ‘ Ghazwa Hunayn aur Ghazwa Zhat al-Qarad ka zikr kiya . Yazid ne kaha ke baqi ghazwon ke naam main bhool gaya .