Hum se Saeed Bin Abi Maryam ne bayan kiya ‘ kaha hum ko Muhammad Bin Jafar ne khabar di ‘ kaha ke mujhe Zaid ne khabar di ‘ unhein in ke walid ne aur unhon ne Umar Bin Khattab Radi Allahu Anhu se suna unhon ne kaha haan is zaat ki qasam jis ke hath mein meri jaan hai agar is ka khatra na hota ke baad ki naslen be-jaidad reh jayein gi aur un ke pas kuch na ho ga to jo bhi basti mere zamana-e-khilafat mein fatah hoti ‘ mein ise isi tarah taqseem kar deta jis tarah Nabi Kareem Sallallahu Alaihi Wasallam ne Khaibar ki taqseem ki thi. Mein in maftuha arazi ko baad mein aane wale musalmanon ke liye mahfooz chore ja raha hoon taake wo ise taqseem karte rahein
.

Hum se Sadaqah ne bayan kiya, kaha ke hum ko Abdur Rahman Bin Mahdi ne khabar di, unhein Imam Malik ne, unhein Yazid Bin Aslam ne, un se in ke walid ne bayan kiya ke Umar (Radi Allahu Anhu) ne farmaya, agar mujhe baad mein aane wale Musalmanon ka khayal na hota to jitne shehar bhi fatah karta, unhein fatah karne walon mein taqseem karta jata, bilkul isi tarah jis tarah Nabi Kareem (Sallallahu Alaihi Wasallam) ne Khaibar ki zameen taqseem farma di thi
.

Hum se Ubaid Bin Ismail ne bayan kiya Abu Usama se, unhon ne Ubaidullah Umri se, unhon ne Nafi se aur un se Ibn Umar (Radi Allahu Anhuma) ne ke Rasul Allah (Sallallahu Alaihi Wasallam) ne (maal-e-ghanimat se) ghore ke do hisse lagaye thay aur is ke malik ka ek hissa
.

Hum se Sadaqa Bin Fadhal ne bayan kiya, kaha hum ko Abdur Rahman Bin Mahdi ne khabar di, unhein Imam Malik ne, unhein Zaid Bin Aslam ne, unhein un ke walid ne ke Umar (Radi Allahu Anhu) ne farmaya "Agar Musalmanon ki aane wali naslon ka khayal na hota to jo shehar bhi fatah hota mein ise fatah-on mein isi tarah taqseem kar diya karta jis tarah Nabi Kareem (Sallallahu Alaihi Wasallam) ne Khaibar ki taqseem ki thi."
.

Hum se Hasan Bin Ishaq ne bayan kiya ‘ kaha hum se Muhammad Bin Sabiq ne bayan kiya ‘ kaha hum se Zaida ne bayan kiya ‘ in se Ubaidullah Bin Umar ne ‘ in se Nafi ne aur in se Abdullah Bin Umar Radi Allahu Anhuma ne bayan kiya ke Nabi Kareem Sallallahu Alaihi Wasallam ne Ghazwa Khaibar mein (maal-e-ghanimat se) sawaron ko do hisse diye thay aur paidal faujiyon ko ek hissa ‘ is ki tafseer Nafi ne is tarah ki hai agar kisi shakhs ke sath ghora hota to ise teen hisse milte thay aur agar ghora na hota to sirf ek hissa milta tha
.

Mujh se Muhammad Bin Musanna ne bayan kiya ‘ kaha hum se Ibn Mahdi ne bayan kiya ‘ in se Imam Malik Bin Anas Radi Allahu Anhu ne ‘ in se Zaid Bin Aslam ne ‘ in se in ke walid ne ke Umar Radi Allahu Anhu ne kaha agar baad mein aane wale musalmanon ka khayal na hota to jo basti bhi mere dour mein fatah hoti ‘ mein ise isi tarah taqseem kar deta jis tarah Nabi Kareem Sallallahu Alaihi Wasallam ne Khaibar ki taqseem kar di thi
.