Aur Lais ne Yahya Bin Saeed Ansari se bayan kiya, unhon ne kaha ke hum se Saeed Bin Musayyib ne bayan kiya ke pehla fasad jab barpa hua yani Usman Radi Allahu Anhu ki shahadat ka to is ne ashab-e-Badr mein se kisi ko baqi nahi chora. Phir jab doosra fasad barpa hua yani Harrah ka, to is ne ashab-e-Hudaybiyyah mein se kisi ko baqi nahi chora. Phir teesra fasad barpa hua to wo is waqt tak nahi gaya jab tak logon mein kuch bhi khoobi ya aql baqi thi
.

Hum se Ishaq Bin Mansoor ne bayan kiya, kaha hum ko Abdur Razzaq ne khabar di, unhein Ma'mar ne, unhein Zuhri ne, unhein Muhammad Bin Jubair ne aur unhein un ke walid (Radi Allahu Anhu) ne ke Rasul Allah (Sallallahu Alaihi Wasallam) ne Badr ke qaidiyon ke bare mein farmaya tha ke agar Mut'im Bin Adi (jo kufr ki halat mein mar gaye thay) zinda hote aur in najis, na-paak logon ki sifarish karte to mein un ki sifarish se unhein (fidya liye baghair) chhod deta
.