(Doosri sanad) Imam Bukhari Rahimahullah farmate hain aur mujh se Mahmud Bin Ghailan ne bayan kiya kaha, hum se Wahb Bin Jarir ne bayan kiya, un se Shuba ne, un se Abu Ishaq ne aur un se Bara Radi Allahu Anhu ne bayan kiya ke Badr ki larai mein mujhe aur Abdullah Bin Umar Radi Allahu Anhuma ko nabaligh qarar de diya gaya tha aur is larai mein Muhajireen ki tadaad saath se kuch zyada thi aur Ansar do sau chalees se kuch zyada thay
.

Hum se Muslim Bin Ibrahim ne bayan kiya, kaha hum se Shuba ne bayan kiya, un se Abu Ishaq ne aur un se Bara Bin Azib Radi Allahu Anhuma ne bayan kiya ke (Badr ki larai ke mauqa par) mujhe aur Ibn Umar Radi Allahu Anhuma ko nabaligh qarar de diya gaya tha
.