Mujh se Ibrahim Bin Musa ne bayan kiya, kaha hum ko Hisham Bin Yusuf ne khabar di, unhein Ibn Juraij ne khabar di, un se Ata ne bayan kiya ke Jabir Radi Allahu Anhu ne kaha mein mere walid aur mere do mamoon teeno Bai'at-e-Uqbah karne walon mein shareek thay
.

Hum se Ali Bin Abdullah Madini ne bayan kiya, kaha hum se Sufyan Bin Uyainah ne bayan kiya, kaha ke Amr Bin Dinar kaha karte thay ke mein ne Jabir Bin Abdullah Radi Allahu Anhuma se suna unhon ne bayan kiya ke mere do mamoon mujhe bhi Bai'at-e-Uqbah mein sath le gaye thay. Abu Abdullah Imam Bukhari ne kaha ke Ibn Uyainah ne bayan kiya un mein se ek Bara Bin Maroor Radi Allahu Anhu thay
.