Hum se Yahya Bin Bukair ne bayan kiya, unhon ne kaha hum se Lais ne bayan kiya, un se Aqeel ne bayan kiya, un se Ibn Shihab ne (doosri sanad), Imam Bukhari ne kaha aur hum se Ahmad Bin Salih ne bayan kiya, kaha hum se Anbasah Bin Khalid ne bayan kiya, hum se Yunus Bin Yezid ne bayan kiya, un se Ibn Shihab ne bayan kiya ke mujhe Abdur Rahman Bin Abdullah Bin Ka'b Bin Malik ne khabar di aur unhein Abdullah Bin Ka'b ne jab wo nabina ho gaye to wo chalte phirte waqt un ko pakar kar le chalte thay, unhon ne bayan kiya ke mein ne Ka'b Bin Malik Radi Allahu Anhu se suna ke wo ghazwa-e-Tabook mein shareek na hone ka taweel waqia bayan karte thay Ibn Bukair ne apni riwayat mein bayan kiya ke Ka'b ne kaha ke mein Nabi Kareem Sallallahu Alaihi Wasallam ke paas Uqbah ki raat mein hazir tha jab hum ne Islam par qaim rehne ka pukhta ahad kiya tha, mere nazdeek (Lailat-ul-Uqbah ki bai'at) Badr ki larai mein haziri se bhi zyada pasandida hai agarchay logon mein Badr ka charcha is se zyada hai
.

Hum se Yahya Bin Bukair ne bayan kiya ' kaha hum se Laith ne bayan kiya ' un se Aqeel ne ' un se Ibn Shihab ne kaha ke mujhe Abdur Rahman Bin Abdullah Bin Kaab ne khabar di aur un se Abdullah Bin Kaab ne bayan kiya ke mein ne Kaab Bin Malik (Radi Allahu Anhu) se suna ' wo bayan karte thay ke mein ne arz kiya ya Rasul Allah! Meri tauba (ghazwa Tabook mein na jaane ki) qabool hone ka shukrana ye hai ke mein apna maal Allah aur us ke Rasul ke raste mein dedoon. Aap (Sallallahu Alaihi Wasallam) ne farmaya ke agar apne maal ka ek hissa apne paas hi baqi rakkho to tumhare haq mein ye behtar hai. Mein ne arz kiya ke phir mein apna Khaibar ka hissa apne paas mehfooz rakhta hoon
.