Mujh se Ishaq Bin Ibrahim Marwazi ne bayan kiya, unhon ne kaha hum ko Abu Usama ne khabar di, unhon ne kaha hum se Hashim Bin Hashim ne bayan kiya, kaha ke mein ne Saeed Bin Musayyib se suna, kaha ke mein ne Abu Ishaq Saad Bin Abi Waqqas Radi Allahu Anhu se suna, unhon ne bayan kiya ke jis din mein Islam laya hoon doosre log bhi isi din Islam laye aur Islam mein dakhil hone wale teesre aadmi ki haisiyat se mujh par saat din guzre
.

Hum se Makki bin Ibrahim ne bayan kiya, kaha hum se Hashim bin Hashim ne bayan kiya, in se Aamir bin Sa'd ne aur in se in ke walid (Sa'd bin Abi Waqqas Radi Allahu Anhu) ne bayan kiya ke mujhe khoob yaad hai. Mein ne ek zamane mein Musalmanon ka teesra hissa apne aap ko dekha. Imam Bukhari Rahimahullah ne kaha Islam ke teesre hisse se yeh murad hai ke Rasoolullah Sallallahu Alaihi Wa Sallam ke sath sirf teen Musalman thay jin mein teesra Musalman mein tha.