Hum se Abdullah Bin Muhammad ne bayan kiya, kaha hum se Azhar Samman ne bayan kiya, un se Abu Awana ne, un se Muhammad ne aur un se Qais Bin Ubad ne bayan kiya ke mein masjid-e-Nabwi mein baitha hua tha ke ek buzurg masjid mein dakhil hue jin ke chehre par khushu o khuzu ke aasar zahir thay logon ne kaha ke ye buzurg jannati logon mein se hain, phir unhon ne do rakat namaz mukhtasar tariqa par parhi aur bahar nikal gaye mein bhi un ke peeche ho liya aur arz kiya ke jab aap masjid mein dakhil hue thay to logon ne kaha ke ye buzurg jannat walon mein se hain, is par unhon ne kaha: Allah ki qasam! Kisi ke liye aisi baat zaban se nikalna munasib nahi hai jise wo na janta ho aur mein tumhein bataoon ga ke aisa kyun hai. Nabi Kareem Sallallahu Alaihi Wasallam ke zamane mein, mein ne ek khwab dekha aur Nabi Kareem Sallallahu Alaihi Wasallam se ise bayan kiya mein ne khwab ye dekha tha ke jaise mein ek bagh mein hoon, phir unhon ne is ki wusat aur is ke sabza zaron ka zikr kiya is bagh ke darmiyan mein ek lohe ka sutoon hai jis ka nichla hissa zameen mein hai aur upar ka aasman par aur is ki choti par ek ghana darakht hai «Al-Urwah» mujh se kaha gaya ke is par charh jao mein ne kaha ke mujh mein to itni taqat nahi hai itne mein ek khadim aaya aur peeche se mere kapre is ne uthaye to mein charh gaya aur jab mein is ki choti par pahunch gaya to mein ne is ghane darakht ko pakar liya mujh se kaha gaya ke is darakht ko poori mazbooti ke sath pakar le, abhi mein ise apne hath se pakre hue tha ke meri aankh khul gayi. Ye khwab jab mein ne Nabi Kareem Sallallahu Alaihi Wasallam se bayan kiya to Aap Sallallahu Alaihi Wasallam ne farmaya ke jo bagh tum ne dekha hai, wo to Islam hai aur is mein sutoon Islam ka sutoon hai aur «Al-Urwah» (ghana darakht) «Urwat-ul-Wusqa» hai is liye tum Islam par marte dam tak qaim raho ge. Ye buzurg Abdullah Bin Salam thay aur mujh se Khalifa ne bayan kiya un se Muaz ne bayan kiya un se Ibn Aun ne bayan kiya un se Muhammad ne un se Qais Bin Ubad ne bayan kiya Abdullah Bin Salam Radi Allahu Anhu se unhon ne «Munsifun» (khadim) ke bajaye «Waseefun» ka lafz zikr kiya
.

Hum se Abdul Aziz bin Abdullah ne byaan kiya , kaha hum se Sulayman ne byaan kiya , in se Yahya ne , un se Ubayd bin Hunayn ne , unhon ne Ibn Abbas razi Allahu anhuma se suna , unhon ne Umar razi Allahu anhu se ke Aap Hafsa ke yahan gaye aur in se kaha ke beti apni is saukan ko dekh kar dhokay mein na aa jana jise apne husn par aur Rasool Allah salla Allahu alaihi wasallam ki mohabbat par naaz hai . Aap ka isharah Aisha razi Allahu anha ki taraf thu (Umar razi Allahu anhu ne byaan kiya) ke phir main ne yahi baat Aap ke samne dohrayi Aap muskura diye .

`Hum se Abdullah bin Muhammad al-Ju'fee ne bayan kiya, unhon ne kaha hum se Harami bin Amara ne bayan kiya, unhon ne kaha hum se Qurra bin Khalid ne bayan kiya, un se Muhammad bin Sireen ne bayan kiya, un se Qais bin Abbad ne bayan kiya ke mein ek halqa mein baitha tha jis mein Saad bin Malik aur Abdullah bin Umar Radi Allahu Anhuma baithe hue thay. Wahan se Abdullah bin Salam Radi Allahu Anhu guzre to logon ne kaha ke yeh ahl-e-jannat mein se hain. Mein ne un se kaha ke wo is tarah ki baat keh rahe hain. Aap ne farmaya, Subhan Allah un ke liye munasib nahi ke wo aisi baat kahein jis ka unhein ilm nahi hai. Mein ne khwab mein dekha tha ke ek sutoon ek hare bhare bagh mein nasab kiya hua hai is sutoon ke oopar ke sire par ek halqa ( «Urwa») laga hua tha aur neeche «Munsif» tha. «Munsif» se murad khadim hai phir kaha gaya ke is par chadh jao mein chadh gaya aur mein ne halqa pakad liya, phir mein ne is ka tazkira Rasul Allah صلی اللہ علیہ وسلم se kiya to Aap صلی اللہ علیہ وسلم ne farmaya ke Abdullah ka jab intiqal ho ga to wo «al-Urwat-ul-Wusqa» ko pakde hue hon ge.

`Mujh se Abdullah bin Muhammad ne bayan kiya, kaha hum se Azhar ne bayan kiya, kaha hum se Ibn Aun ne (doosri sanad) Imam Bukhari Rahimahullah ne kaha ke aur mujh se Khalifa ne bayan kiya, un se Mu'az ne bayan kiya, un se Ibn Aun ne bayan kiya, un se Muhammad ne, un se Qais bin Abbad ne bayan kiya aur un se Abdullah bin Salam Radi Allahu Anhu ne bayan kiya ke mein ne (khwab) dekha ke goya mein ek bagh mein hoon aur bagh ke beech mein ek sutoon hai jis ke oopar ke sire par ek halqa hai. Kaha gaya ke is par chadh jao. Mein ne kaha ke mein is ki taqat nahi rakhta. Phir mere paas khadim aaya aur us ne mere kapre chadh diye phir mein oopar chadh gaya aur mein ne halqa pakad liya, abhi mein ise pakde hi hue tha ke aankh khul gayi. Phir mein ne is ka zikr Nabi Kareem صلی اللہ علیہ وسلم se kiya to Aap صلی اللہ علیہ وسلم ne farmaya ke wo bagh Islam ka bagh tha aur wo sutoon Islam ka sutoon tha aur wo halqa «al-Urwat-ul-Wusqa» tha, tum hamesha Islam par mazbooti se jame raho ge yahan tak ke tumhari wafat ho jaye gi.