Hum se Malik bin Ismail ne bayan kiya, unhon ne kaha hum se Abdul Aziz ne bayan kiya jo Abu Salamah ke sahib-zade thay, in se Muhammad ne bayan kiya, in se Muhammad bin Munkadir ne bayan kiya, aur in se Jabir Radi Allahu Anhu ne bayan kiya ke Nabi Kareem Sallallahu Alaihi Wa Sallam ne farmaya har nabi ke hawari hote hain aur mere hawari Zubair bin Awwam (Radi Allahu Anhu) hain.

Hum se Abu Nuaym ne bayan kiya, kaha hum se Sufyan Sauri ne bayan kiya, un se Muhammad Bin Munkadir ne bayan kiya aur un se Jabir Bin Abdullah (Radi Allahu Anhuma) ne bayan kiya ke Nabi Kareem (Sallallahu Alaihi Wasallam) ne jung-e-khandaq ke din farmaya dushman ke lashkar ki khabar mere paas kaun la sakta hai? (Dushman se murad yahan Banu Quraiza thay) Zubair (Radi Allahu Anhu) ne kaha ke mein. Aap (Sallallahu Alaihi Wasallam) ne dobara phir poocha dushman ke lashkar ki khabrein kaun la sake ga? Is martaba bhi Zubair (Radi Allahu Anhu) ne kaha ke mein. Is par Nabi Kareem (Sallallahu Alaihi Wasallam) ne farmaya ke har Nabi ke hawari (sache madadgar) hote hain aur mere hawari (Zubair) hain
.

Hum se Sadaqah ne bayan kiya, kaha hum ko Ibn Uyainah ne khabar di, kaha hum se Ibn Munkadir ne bayan kiya, unhon ne Jabir Bin Abdullah (Radi Allahu Anhuma) se suna, unhon ne bayan kiya ke Nabi Kareem (Sallallahu Alaihi Wasallam) ne sahaba ko (Bani Quraiza ki taraf khabar lane ke liye) dawat di. Sadaqah (Imam Bukhari Rahimahullah ke ustad) ne kaha ke mera khayal hai ye Ghazwah-e-Khandaq ka waqea hai. To Zubair (Radi Allahu Anhu) ne is par labbaik kaha phir Aap (Sallallahu Alaihi Wasallam) ne bulaya aur Zubair (Radi Allahu Anhu) ne labbaik kaha phir teesri baar Aap (Sallallahu Alaihi Wasallam) ne bulaya aur is martaba bhi Zubair (Radi Allahu Anhu) ne labbaik kaha. Is par Aap (Sallallahu Alaihi Wasallam) ne farmaya har Nabi ke hawari hote hain aur mere hawari Zubair Bin Awwam hain
.

Hum se Humaidi ne bayan kiya, kaha hum se Sufyan Bin Uyainah ne, kaha ke hum se Muhammad Bin Munkadir ne bayan kiya, kaha ke mein ne Jabir Bin Abdullah (Radi Allahu Anhuma) se suna, wo bayan karte thay ke Nabi Kareem (Sallallahu Alaihi Wasallam) ne (ek kaam ke liye) Ghazwah-e-Khandaq ke mauqe par sahaba ko pukara, to Zubair (Radi Allahu Anhu) ne is ke liye kaha ke mein hazir hoon. Phir Aap (Sallallahu Alaihi Wasallam) ne sahaba ko pukara, aur is martaba bhi Zubair (Radi Allahu Anhu) ne apne ko pesh kiya, Aap (Sallallahu Alaihi Wasallam) ne phir pukara aur phir Zubair (Radi Allahu Anhu) ne apne aap ko pesh kiya, Rasul Allah (Sallallahu Alaihi Wasallam) ne aakhir farmaya ke har Nabi ke hawari hote hain aur mere hawari Zubair hain. Sufyan ne kaha ke hawari ke maani muawin, madadgar ke hain (ya wafadar mehram-e-raaz ko hawari kaha gaya hai)
.

Hum se Muhammad Bin Kaseer ne bayan kiya ‘ kaha hum ko Sufyan Sawri ne khabar di ‘ un se Muhammad Bin Munkadir ne bayan kiya aur unhon ne Jabir Radi Allahu Anhu se suna ‘ wo bayan karte thay ke Ghazwa Ahzab ke mauqe par Nabi Kareem Sallallahu Alaihi Wasallam ne farmaya ke kuffar ke lashkar ki khabren kaun laye ga? Zubair Radi Allahu Anhu ne arz kiya ke mein tayyar hoon. Phir Aap Sallallahu Alaihi Wasallam ne pucha ke kuffar ke lashkar ki khabren kaun laye ga? Is martaba bhi Zubair Radi Allahu Anhu ne kaha ke mein. Phir Aap Sallallahu Alaihi Wasallam ne teesri martaba pucha ke kuffar ke lashkar ki khabren kaun laye ga? Zubair Radi Allahu Anhu ne is martaba bhi apne aap ko pesh kiya. Is par Aap Sallallahu Alaihi Wasallam ne farmaya ke har nabi ke havari hote hain aur mere havari Zubair hain
.

`Hum se Ali bin Abdullah ne bayan kiya, kaha hum se Sufyan bin Uyaina ne bayan kiya, kaha hum se Muhammad bin al-Munkadir ne kaha ke mein ne Jabir bin Abdullah Radi Allahu Anhuma se suna, bayan kiya ke Gazwa-e-Khandaq ke din Nabi Kareem صلی اللہ علیہ وسلم ne (dushman se khabar lane ke liye) sahabah se kaha to Zubair Radi Allahu Anhu tayyar ho gaye phir un se kaha to Zubair Radi Allahu Anhu hi tayyar hue. Phir kaha, phir bhi unhon ne hi aamadagi dikhlayi. Is ke baad Aap صلی اللہ علیہ وسلم ne farmaya ke har Nabi ke hawari (madadgaar) hote hain aur mere hawari Zubair hain. Aur Sufyan bin Uyaina ne bayan kiya ke mein ne yeh riwayat Ibn al-Munkadir se yaad ki aur Ayub ne Ibn al-Munkadir se kaha, ay Abu Bakr! (yeh Muhammad bin Munkadir ki kuniyat hai) un se Jabir Radi Allahu Anhu ki hadees bayan kijiye kyunke log pasand karte hain ke aap Jabir Radi Allahu Anhu ki ahadees bayan karein to unhon ne usi majlis mein kaha ke mein ne Jabir Radi Allahu Anhu se suna aur chaar ahadees mein pay-dar-pay yeh kaha ke mein ne Jabir Radi Allahu Anhu se suna. Ali bin Abdullah Madini ne kaha ke mein ne Sufyan bin Uyaina se kaha ke Sufyan Sauri to Gazwa-e-Quraiza kehte hain (bajaye Gazwa-e-Khandaq ke) unhon ne kaha ke mein ne itne hi yaqeen ke saath yaad kiya hai jaisa ke tum is waqt baithe ho ke unhon ne Gazwa-e-Khandaq kaha, Sufyan ne kaha ke yeh donon ek hi gazwa hain (kyunke) Gazwa-e-Khandaq ke furan baad usi din Gazwa-e-Quraiza pesh aaya aur wo muskuraye.