Aur tum hukumat ke liye sab se zyada behtar shakhs ise paoge jo hukumat karne ko bura jane (yani is mansab ko khud ke liye napasand kare) yahan tak ke woh is mein phans jaye. Logon ki misal kaan ki si hai jo jahiliyat mein shareef thay, woh Islam lane ke baad bhi shareef hain.

Hum se Ishaq Bin Ibrahim ne bayan kiya, kaha hum ko Jarir ne khabar di, unhein Amarah ne, unhein Abu Zurah ne aur un se Abu Hurairah (Radi Allahu Anhu) ne bayan kiya ke Nabi Kareem (Sallallahu Alaihi Wasallam) ne farmaya "Tum insanon ko kaan ki tarah pao ge (bhalayi aur burayi mein) jo log Jahilliyat ke zamane mein behtar aur acchi sifat ke malik thay wo Islam lane ke baad bhi behtar aur acchi sifat wale hain bashart-e-ke wo deen ka ilm bhi hasil karein aur hukoomat aur sardari ke layak is ko pao ge jo hukoomat aur sardari ko bahut napasand karta ho
."