Mujh se Ishaq Bin Ibrahim ne bayan kiya, unhon ne kaha hum se Yahya Bin Adam ne bayan kiya, kaha hum ko Israel ne khabar di, unhein Abu Hasin ne, unhein Abu Salih ne aur unhein Abu Hurairah (Radi Allahu Anhu) ne ke Nabi Kareem (Sallallahu Alaihi Wasallam) ne farmaya "Amr Bin Luhayy Bin Qam-ah Bin Khandaf qabila Khuza-ah ka baap tha
."

Hum se Abu Al-Yaman ne bayan kiya, kaha hum se Shuaib ne khabar di, un se Zuhri ne bayan kiya, unhon ne Saeed Bin Musayyib se suna, unhon ne bayan kiya ke «baheeratun» wo ontni jis ke doodh ki mamanat hoti thi. Kyunke wo buton ke liye waqf hoti thi. Is liye koi bhi shakhs is ka doodh nahi dohta tha aur «saibatun» ise kehte jis ko wo apne maboodon ke liye chor dete aur un par koi bojh na ladta aur na koi sawari karta. Unhon ne kaha ke Abu Hurairah (Radi Allahu Anhu) ne bayan kiya ke Nabi Kareem (Sallallahu Alaihi Wasallam) ne farmaya "Mein ne Amr Bin Aamir Bin Luhayy Khuzai ko dekha ke jahannam mein wo apni antariyan ghasit raha tha aur yehi Amr wo pehla shakhs hai jis ne «saibatun» ki rasm nikali
."

Hum se Musa bin Ismail ne bayan kiya , kaha hum se Ibrahim bin Saad ne bayan kiya , un se Salih bin Kaisan ne , un se Ibn Shihab ne aur un se Saeed bin Musayyib ne bayan kiya ke «Bahira» us ountni ko kehte thay jis ka doodh buton ke liye rok diya jata aur koi shakhs is ke doodh ko dohne ka majaz na samjha jata aur «Sa'iba» us ountni ko kehte thay jisay woh apne devtaon ke naam par aazad chorr dete aur is se bar-bardari wa sawari waghera ka kaam na lete . Saeed rawi ne bayan kiya ke Abu Hurairah rz ne bayan kiya ke Rasool Allah صلی اللہ علیہ وسلم ne farmaya ke main ne Amr bin Aamir Khuza'i ko dekha ke woh apni aanton ko Jahannum mein ghaseet raha tha , us ne sab se pehle saand chorne ki rasm nikali thi . Aur «Wasila» us jawan ountni ko kehte thay jo pehli martaba mada bacha janti aur phir doosri martaba bhi mada hi janti , usay bhi woh buton ke naam par chorr dete thay lekin isi surat mein jabke woh barabar do martaba mada bacha janti aur is darmiyan mein koi nar bacha na hota . Aur «Haam» woh nar ount jo mada par shumar se kayi dafa charhta (is ke nutfay se das bache paida ho jate) jab woh itni suhbatein kar chukta to us ko bhi buton ke naam par chorr dete aur bojh laadne se maaf kar dete (na sawari karte) is ka naam «Haam» rakhte aur Abul Yaman (Hakam bin Nafi) ne kaha hum ko Shuaib ne khabar di , unhone Zuhri se suna , kaha main ne Saeed bin Musayyib se yehi hadees suni jo oopar guzri . Saeed ne kaha Abu Hurairah rz ne kaha main ne Nabi Kareem صلی اللہ علیہ وسلم se suna (wohi Amr bin Aamir Khuza'i ka qissa jo oopar guzra) aur Yazid bin Abdullah bin Haad ne bhi is hadees ko Ibn Shihab se riwayat kiya . Unhone Saeed bin Musayyib se , unhone Abu Hurairah rz se , kaha main ne Nabi Kareem صلی اللہ علیہ وسلم se suna .

Mujh se Muhammad bin Abi Yaqoob Abu Abdullah Kirmani ne byaan kiya , kaha hum se Hassan bin Ibrahim ne byaan kiya , kaha hum se Yunus ne byaan kiya , un se Zuhri ne , un se Urwah ne aur un se Aisha razi Allahu anha ne byaan kiya ke Rasool Allah salla Allahu alaihi wasallam ne farmaya ke main ne jahannum ko dekha ke is ke baaz hisse baaz doosre hisson ko khaye ja rahe hain aur main ne Amr bin Aamir Khuzai ko dekha ke woh apni aantein is mein ghaseeta phir raha tha . Yahi woh shakhs hai jis ne sab se pehle saand chhorne ki rasm ijad ki thi .