Hum se Sabit Bin Muhammad ne bayan kiya, kaha hum se Sufyan Souri ne bayan kiya, un se Amash ne, un se Abdullah Bin Murrah ne, un se Masrooq ne aur un se Abdullah Bin Masood (Radi Allahu Anhu) ne un se Nabi Kareem (Sallallahu Alaihi Wasallam) ne, aur Sufyan ne Zubaid se, unhon ne Ibrahim se, unhon ne Masrooq se aur unhon ne Abdullah (Radi Allahu Anhu) se suna ke Nabi Kareem (Sallallahu Alaihi Wasallam) ne farmaya "Wo shakhs hum mein se nahi hai jo (nuha karte hue) apne rukhsar peete, gireban phaar dale, aur Jahilliyat ki pukar pukare
."

Hum se Abu Naeem ne byaan kiya ‘ ke hum se Sufyan Thauri ne ‘ un se Zubayd Yami ne byaan kiya ‘ un se Ibrahim Nakhai ne ‘ un se Masrooq ne aur un se Abdullah bin Masood razi Allahu anhu ne ke Rasool Allah salla Allahu alaihi wasallam ne farmaya ke jo auratein (kisi ki maut par) apne chehron ko peet-ti aur gareban chaak kar leti hain aur jahiliyat ki baatein bakti hain woh hum mein se nahin hain .

Hum se Muhammad bin Bashar ne byaan kiya ‘ unhon ne kaha ke hum se Abdur Rahman bin Mahdi ne byaan kiya ‘ unhon ne kaha ke hum se Sufyan Thauri ne byaan kiya ‘ un se Amash ne ‘ un se Abdullah bin Murrah ne ‘ un se Masrooq ne aur un se Abdullah bin Masood razi Allahu anhu ne ke Rasool Allah salla Allahu alaihi wasallam ne farmaya jo shakhs (kisi mayyat par) apne rukhsaar peete ‘ gareban phaare aur ehad-e-jahiliyat ki si baatein kare woh hum mein se nahin hai .

Hum se Umar bin Hafs ne byaan kiya ‘ un se un ke baap Hafs ne aur un se Amash ne aur un se Abdullah bin Murrah ne ‘ un se Masrooq ne aur un se Abdullah razi Allahu anhu ne byaan kiya ke Rasool Allah salla Allahu alaihi wasallam ne farmaya ke jo (kisi ki maut par) apne rukhsaar peete ‘ gareban chaak kare aur jahiliyat ki baatein kare woh hum mein se nahin hai .