Hum se Abu Al-Yaman ne bayan kiya kaha hum ko Shuaib ne khabar di un se Zuhri ne bayan kiya unhein Abu Salamah ne khabar di aur un se Abu Hurairah (Radi Allahu Anhu) ne bayan kiya ke mein ne Rasul Allah (Sallallahu Alaihi Wasallam) se suna Aap (Sallallahu Alaihi Wasallam) farma rahe thay ke mein Ibn Maryam (Alaihimas Salam) se doosron ke muqabla mein zyada qareeb hoon anbiya allati bhaiyon ki tarah hain aur mere aur Isa (Alaihis Salam) ke darmiyan koi Nabi nahi hai

Hum se Muhammad Bin Sinan ne bayan kiya kaha hum se Fulaih Bin Sulaiman ne bayan kiya kaha hum se Hilal Bin Ali ne bayan kiya un se Abdur Rahman Bin Abi Amrah ne aur un se Abu Hurairah (Radi Allahu Anhu) ne bayan kiya ke Nabi Kareem (Sallallahu Alaihi Wasallam) ne farmaya "Mein Isa Bin Maryam (Alaihimas Salam) se aur logon ki ba-nisbat zyada qareeb hoon duniya mein bhi aur aakhirat mein bhi aur anbiya (Alaihimus Salam) allati bhaiyon (ki tarah) hain. Un ke masail mein agarche ikhtilaf hai lekin deen sab ka ek hi hai." Aur Ibrahim Bin Tahman ne bayan kiya un se Musa Bin Uqbah ne un se Safwan Bin Sulaim ne un se Ata Bin Yasar ne aur un se Abu Hurairah (Radi Allahu Anhu) ne bayan kiya ke Rasul Allah (Sallallahu Alaihi Wasallam) ne farmaya