Hum se Abdullah Bin Muhammad ne bayan kiya, unhon ne kaha hum se Abdur Razzaq ne bayan kiya, un se Ma'mar ne, un se Hammam ne aur un se Abu Hurairah (Radi Allahu Anhu) ne ke Nabi Kareem (Sallallahu Alaihi Wasallam) ne farmaya "Allah Paak ne Aadam Alaihis Salam ko paida kiya to un ko saath hath lamba banaya phir farmaya ke ja aur in malaika ko salam kar, dekhna kin lafzon mein wo tumhare salam ka jawab dete hain kyunke wahi tumhara aur tumhari aulad ka tariqa-e-salam ho ga. Aadam Alaihis Salam (gaye aur) kaha, Assalamu Alaikum! Farishton ne jawab diya, Assalamu Alaika wa Rahmatullahi. Unhon ne 'wa Rahmatullahi' ka jumla badha diya, pas jo koi bhi jannat mein dakhil ho ga wo Aadam Alaihis Salam ki shakal aur qamat par dakhil ho ga, Aadam Alaihis Salam ke baad insano mein ab tak qadd chhote hote rahe."
.

Hum se Yahya bin Jafar ne bayan kiya, kaha hum se Abd-ul-Razzaq ne bayan kiya, in se Mamar ne, in se Humam ne aur in se Abu Hurairah razi Allahu anhu ne ke Nabi Karim salla Allahu alaihi wasallam ne farmaya ”Allah Ta-ala ne Adam ko apni surat par banaya, in ki lambayi saath hath ku. Jab unhein paida kar chuka to farmaya ke jao aur in farishton ko jo baithe huay hain, salam karo aur suno ke tumhare salam ka kiya jawab dete hain, kyunke yahi tumhara aur tumhari aulad ka salam ho ga. Adam alaihissalam ne kaha: as-salaamu alaykum! Farishton ne jawab diya, as-salaamu alayka wa rahmatullah, unhon ne Adam ke salam par ”wa rahmatullah“ barha diya. Pas jo shakhs bhi jannat mein jaye ga Adam alaihissalam ki surat ke mutabiq ho kar jaye ga.“ Is ke baad se phir khalqat ka qad o qamat kam hota gaya, ab tak aisa hi hota raha.