Hum se Musaddad ne bayan kiya, kaha hum se Abu Awana ne bayan kiya, un se Aamash ne, un se Abu Hazim ne aur un se Abu Hurairah (Radi Allahu Anhu) ne ke Rasul Allah (Sallallahu Alaihi Wasallam) ne farmaya "Agar kisi mard ne apni biwi ko apne bistar par bulaya, lekin us ne aane se inkar kar diya aur mard is par ghussa ho kar so gaya, to subah tak farishte is aurat par lanat karte rehte hain." Is riwayat ki mutabi-at, Abu Hamza, Ibn Dawood aur Abu Muawiyah ne Aamash ke wasita se ki hai
.

Hum se Muhammad bin Bashar ne byaan kiya , kaha hum se Ibn Abi Adi ne byaan kiya , in se Shubah ne , un se Sulayman ne , un se Abu Hazim ne aur un se Abu Hurairah razi Allahu anhu ne ke Nabi Karim salla Allahu alaihi wasallam ne farmaya ke jab shohar apni biwi ko apne bistar par bulaye aur woh aane se (narazgi ki wajah se) inkar kar de to farishte subah tak is par lanat bhejte hain .

Hum se Muhammad bin Ar'arah ne byaan kiya , unhon ne kaha hum se Shubah ne byaan kiya , in se Qatadah ne byaan kiya , un se Zurarah ne byaan kiya aur un se Abu Hurairah razi Allahu anhu ne byaan kiya ke Nabi Karim salla Allahu alaihi wasallam ne farmaya ke agar aurat apne shohar se narazgi ki wajah se is ke bistar se alag thalag raat guzare to farishte is par is waqt tak lanat bhejte hain jab tak woh apni is harakat se baaz na aa jaye .