Hum se Qutaiba Bin Said ne bayan kiya, kaha hum se Abu Awana ne bayan kiya, kaha hum se Abu Ishaq Shaibani ne bayan kiya, kaha ke mein ne Zirr Bin Hubaish se Allah Ta'ala ke (Surah Al-Najm mein) irshad "fa kana qaba qausaini au adna * fa auha ila abdihi ma auha" ke mutaliq pucha, to unhon ne bayan kiya ke hum se Ibn Masood (Radi Allahu Anhu) ne bayan kiya tha ke Nabi Kareem (Sallallahu Alaihi Wasallam) ne Jibrail Alaihis Salam ko (apni asli surat mein) dekha, to un ke che so bazu thay
.

Hum se Abu al-Nu'man ne byaan kiya, un se Abdul Wahid bin Ziyad ne byaan kiya, kaha hum se Sulayman Shaybani ne byaan kiya, kaha ke main ne Zirr bin Hubaysh se suna aur unhon ne Abdullah bin Masood razi Allahu anhu se aayat «fakaana qaaba qawsayni au adna * fa-auha ila abdihi ma auha» yani ”sirf do kamaan-on ka fasla reh gaya tha balkay aur bhi kam. Phir Allah ne apne bande par wahi nazil ki jo kuch bhi nazil kiya“ ke mutalliq byaan kiya ke hum se Abdullah bin Masood razi Allahu anhu ne byaan kiya ke Rasool Allah salla Allahu alaihi wasallam ne Jibraeel alaihissalam ko un ki asal surat mein dekha tha un ke chhay sau par thay.

Hum se Talq bin Ghannam ne byaan kiya, un se Za'ida bin Qudamah Kufi ne byaan kiya, un se Sulayman Shaybani ne byaan kiya ke main ne Zirr bin Hubaysh se is aayat ke baare mein poocha «fakaana qaaba qawsayni au adna * fa-auha ila abdihi ma auha» al-kh yani so do kamaan-on ka fasla reh gaya balkay aur bhi kam. Phir Allah ne apne bande par wahi ki jo kuch bhi nazil kiya to unhon ne byaan kiya ke hamain Abdullah bin Masood razi Allahu anhu ne khabar di ke Muhammad salla Allahu alaihi wasallam ne Jibraeel alaihissalam ko dekha tha jin ke chhay sau par thay.