Hum se Malik Bin Ismail ne bayan kiya, kaha ke hum se Sufyan Bin Uyaina ne bayan kiya, un se Zuhri ne bayan kiya ke Saib Bin Yazid (Radi Allahu Anhu) ne kaha, (jab Rasul Allah Sallallahu Alaihi Wasallam Ghazwa Tabuk se wapas tashreef la rahe thay to) hum sab bacche Thaniyat-ul-Wada tak Aap (Sallallahu Alaihi Wasallam) ka istiqbal karne gaye thay
.

Hum se Ali bin Abdullah Madini ne byaan kiya , unhon ne kaha hum se Sufyan bin Uyaynah ne byaan kiya , kaha ke main ne Zuhri se suna , unhon ne Saib bin Yazid razi Allahu anhu se suna , woh byaan karte thay ke mujhe yaad hai jab main bachon ke saath Saniyat al-Wida ki taraf Rasool Allah salla Allahu alaihi wasallam ka istiqbal karne gaya tha . Sufyan ne ek martaba ( «ma-al ghilman» ke bajaye) «ma-as sibyan» byaan kiya .

Hum se Abdullah bin Muhammad Musandi ne byaan kiya , kaha hum se Sufyan bin Uyaynah ne byaan kiya , un se Zuhri ne aur un se Saib bin Yazid razi Allahu anhu ne ke mujhe yaad hai , jab main bachon ke saath Nabi Karim salla Allahu alaihi wasallam ka istiqbal karne gaya tha . Aap salla Allahu alaihi wasallam Ghazwa Tabook se wapas tashreef la rahe thay .