Hum se Muhammad Bin Abdullah Bin Numair ne bayan kiya ‘ kaha hum se Abdullah Bin Idrees ne bayan kiya ‘ in se Ismail Bin Abi Khalid ne ‘ in se Qais Bin Abi Hazim ne aur in se Jarir Bin Abdullah Bajali (Radi Allahu Anhu) ne bayan kiya ke jab se mein Islam laya ‘ Rasul Allah (Sallallahu Alaihi Wasallam) ne (parda ke sath) mujhe (apne ghar mein dakhil hone se) kabhi nahi roka aur jab bhi Aap mujh ko dekhte ‘ khushi se Aap muskurane lagte
.

Hum se Ishaq Wasiti ne bayan kiya kaha, hum se Khalid ne bayan kiya, un se Bayan ne ke mein ne Qais se suna, unhon ne bayan kiya ke Jarir Bin Abdullah Radi Allahu Anhu ne farmaya jab se mein Islam mein dakhil hua Rasul Allah Sallallahu Alaihi Wasallam ne mujhe (ghar ke andar aane se) nahi roka (jab bhi mein ne ijazat chahi) aur jab bhi Aap Sallallahu Alaihi Wasallam mujhe dekhte to muskurate
.

Main ne Nabi Karim salla Allahu alaihi wasallam se shikayat ki ke main ghore par jum kar nahi baith paata to Nabi Karim salla Allahu alaihi wasallam ne apna hath mere seene par maara aur dua ki «allahumma sabit-hu waj-alhu haadiyam-mahdiy-yan» ”Ae Allah! Isay sabat farma, isay hidayat karne wala aur khud hidayat paya hua bana.“