Hum se Yusuf Bin Musa ne bayan kiya ‘ unhon ne kaha hum se Aasim Bin Yusuf Yarbooi ne bayan kiya ‘ unhon ne kaha ke hum se Abu Ishaq Fazari ne bayan kiya ‘ in se Musa Bin Uqba ne bayan kiya ‘ ke mujh se Umar Bin Ubaidullah ke ghulam Salim Abul Nazr ne bayan kiya ke mein Umar Bin Ubaidullah ka munshi tha. Salim ne bayan kiya ke jab wo khawaraj se larne ke liye rawana hue to unhein Abdullah Bin Abi Aufa (Radi Allahu Anhuma) ka khat mila. Mein ne ise parha to is mein unhon ne likha tha ke Rasul Allah (Sallallahu Alaihi Wasallam) ne ek larayi ke mauqe par intezar kiya ‘ phir jab sooraj dhal gaya
.

Hum se Abdullah Bin Muhammad ne bayan kiya, unhon ne kaha hum se Muawiyah Bin Amr ne bayan kiya, unhon ne kaha hum se Abu Ishaq ne bayan kiya Musa Bin Uqba se, un se Umar Bin Ubaidullah ke maula Salim Abul Nazr ne (Salim Umar Bin Ubaidullah ke katib bhi thay) bayan kiya ke Abdullah Bin Abi Aufa (Radi Allahu Anhu) ne Umar Bin Ubaidullah ko likha tha ke Rasul Allah (Sallallahu Alaihi Wasallam) ne farmaya hai yaqeen jano jannat talwaron ke saye ke neeche hai. Is riwayat ki mutabiat Uwaisi ne Ibn Abi-uz-Zinad ke wasta se ki un se Musa Bin Uqba ne bayan kiya
.

Hum se Abdullah Bin Muhammad Musnadi ne bayan kiya, kaha hum se Muawiyah Bin Amr ne bayan kiya, kaha hum se Abu Ishaq Musa Bin Uqba ne bayan kiya, un se Salim Bin Abil Nazr ne ke Abdullah Bin Abi Aufa (Radi Allahu Anhu) ne (Umar Bin Ubaidullah ko) likha to mein ne wo tahrir parhi ke Rasul Allah (Sallallahu Alaihi Wasallam) ne farmaya hai jab tumhari kuffar se mud-bher ho to sabr se kaam lo
.

Is ke baad Aap (Sallallahu Alaihi Wasallam) ne Sahaba (Radi Allahu Anhum) ko khitab karte hue farmaya: "Logo! Dushman ke sath jung ki khwahish aur tamanna dil mein na rakha karo, balke Allah Ta'ala se aman o aafiyat ki dua kiya karo, albatta jab dushman se mud-bher ho hi jaye to phir sabr o istaqamat ka saboot do, yaad rakho ke jannat talwaron ke saye tale hai, is ke baad Aap (Sallallahu Alaihi Wasallam) ne yun dua ki «allhm mnzl alktab wmjry als hab whazm alahzab , ahzmhm wansrna elyhm .» "Ae Allah! Kitab ke nazil karne wale, badal bhejne wale, Ahzab (dushman ke daston) ko shikast dene wale, unhein shikast de aur un ke muqable mein hamari madad kar."
.

Abu Aamir ne kaha ‘ hum se Mugheera Bin Abdur Rahman ne bayan kiya ‘ in se Abul Zinad ne ‘ in se Aaraj ne aur in se Abu Hurairah (Radi Allahu Anhu) ne ke Rasul Allah (Sallallahu Alaihi Wasallam) ne farmaya "Dushman se larne bharne ki tamanna na karo ‘ haan! Agar jung shuru ho jaye to phir sabr se kaam lo."
.

`Mujh se Abdullah bin Muhammad Musnadi ne bayan kiya, unhon ne kaha hum se Muawiya bin Amr ne bayan kiya, unhon ne kaha hum se Abu Ishaq ne bayan kiya, un se Musa bin Uqba ne bayan kiya, un se Umar bin Ubaidullah ke gulam Salim Abun Nazr ne bayan kiya, jo apne aqa ke katib thay bayan kiya ke Abdullah bin Abi Aufa Radi Allahu Anhuma ne unhein likha aur mein ne ise parha to is mein yeh mazmoon tha ke Rasul Allah صلی اللہ علیہ وسلم ne farmaya hai ke dushman se mud-bhed hone ki tamanna na karo aur Allah se aafiyat ki dua manga karo.