Aur Aap Sallallahu Alaihi Wasallam mujhe hukm farmaate, pas main izaar baandh leti, phir Aap Sallallahu Alaihi Wasallam mere saath mubaasharat karte, us waqt main haaiza hoti.

Hum se Ismail bin Khaleel ne bayan kiya, kaha hum se Ali bin Mus’hir ne, hum se Abu Ishaaq Sulaiman bin Firoz Shaibani ne Abdur Rehman bin Aswad ke waaste se, woh apne waalid Aswad bin Yazeed se, woh Aisha Radhiallahu Anha se ke aap ne farmaaya hum azwaaj mein se koi jab haaiza hoti, us haalat mein Rasoolullah Sallallahu Alaihi Wasallam agar mubaasharat ka iradah karte to Aap Sallallahu Alaihi Wasallam izaar baandhne ka hukm de dete bawjood haiz ki ziyaadti ke. Phir badan se badan milaate, aap ne kaha tum mein aisa kaun hai jo Nabi-e-Kareem Sallallahu Alaihi Wasallam ki tarah apni shehwat par qaabu rakhta ho. Is Hadees ki Mutaba’at Khalid aur Jareer ne Shaibani ki riwayat se ki hai. (Yahan bhi mubaasharat se saath letna baithna muraad hai).

Hum se Muhammad Bin Yusuf Faryabi ne bayan kiya, kaha ke hum se Sufyan Bin Uyainah ne bayan kiya, un se Mansoor ne bayan kiya, un se Ibrahim Nakh'i ne, un se Aswad ne, aur un se Aisha (Radi Allahu Anha) ne bayan kiya ke mein haiza hoti phir bhi Rasul Allah (Sallallahu Alaihi Wasallam) mujhe apne badan se laga lete
.