Hum se Muhammad Bin Musanna ne bayan kiya, kaha hum se Yahya Bin Saeed Qattan ne bayan kiya, in se Hisham ne bayan kiya, unhein un ke walid ne khabar di, unhon ne bayan kiya ke Usama Bin Zaid (Radi Allahu Anhuma) se Nabi Kareem (Sallallahu Alaihi Wasallam) ke Hajjat-ul-Wada ke safar ki raftar ke mutalliq poocha ke Nabi Kareem (Sallallahu Alaihi Wasallam) kis kis chaal par chalte, Yahya ne kaha Urwah ne ye bhi kaha tha (ke mein sun raha tha) lekin mein is ka kehna bhool gaya. Gharaz Usama (Radi Allahu Anhu) ne kaha Aap (Sallallahu Alaihi Wasallam) zara tez chalte jab farakh jagah pate to sawari ko dora dete. «ns» oont ki chaal jo «enq .» se tez hoti hai
.

Hum se Abdullah Bin Yusuf Tinisi ne bayan kiya, kaha hum ko Imam Malik ne Hisham Bin Urwah se khabar di, un se un ke walid ne bayan kiya ke Usama Bin Zaid (Radi Allahu Anhuma) se kisi ne poocha (mein bhi wahin maujood tha) ke Hajjat-ul-Wida ke moqa par Arafat se Rasul Allah (Sallallahu Alaihi Wasallam) ke wapas hone ki chaal kya thi? Unhon ne jawab diya ke Aap (Sallallahu Alaihi Wasallam) paon utha kar chalte thay zara taiz, lekin jab jagah pate (hujoom na hota) to taiz chalte thay, Hisham ne kaha ke «Anaq» taiz chalna aur «Nass» «Anaq» se zyada taiz chalne ko kehte hain. «Fajwah» ke mani kushada jagah, is ki jama «Fajwat» aur «Fija» hai jaise Zakat mufrad «Zaka» is ki jama aur Surah Sad mein «Manas» ka jo lafz aaya hai is ke mani bhagna hai
.

Hum se Musaddad bin Musarhad ne byaan kiya , kaha hum se Yahya bin Saeed Qattan ne byaan kiya , un se Hisham bin Urwah ne byaan kiya ke mujh se mere walid Urwah ne byaan kiya , unhon ne kaha ke Usamah razi Allahu anhu se Hajjat al-Wida ke mauqa par Nabi Karim salla Allahu alaihi wasallam ki (safar mein) raftar ke mutalliq poocha gaya to unhon ne kaha ke beech ki chaal chalte thay aur jab kushada jagah milti to is se taiz chalte thay .