Mujh se Abdullah Bin Muhammad Musnadi ne bayan kiya, unhon ne kaha hum se Hisham ne bayan kiya, unhein Ma'mar ne khabar di, unhein Zuhri ne, unhein Abdur Rahman Bin Kaab Bin Malik ne aur unhein un ke walid Kaab Bin Malik (Radi Allahu Anhu) ne ke Nabi Kareem (Sallallahu Alaihi Wasallam) Ghazwah-e-Tabook ke liye jumeraat ke din nikle thay. Aap (Sallallahu Alaihi Wasallam) jumeraat ke din safar karna pasand farmate thay
.

Hum se Yahya Bin Bukair ne bayan kiya ' kaha hum se Laith ne bayan kiya ' un se Aqeel ne ' un se Ibn Shihab ne kaha ke mujhe Abdur Rahman Bin Abdullah Bin Kaab ne khabar di aur un se Abdullah Bin Kaab ne bayan kiya ke mein ne Kaab Bin Malik (Radi Allahu Anhu) se suna ' wo bayan karte thay ke mein ne arz kiya ya Rasul Allah! Meri tauba (ghazwa Tabook mein na jaane ki) qabool hone ka shukrana ye hai ke mein apna maal Allah aur us ke Rasul ke raste mein dedoon. Aap (Sallallahu Alaihi Wasallam) ne farmaya ke agar apne maal ka ek hissa apne paas hi baqi rakkho to tumhare haq mein ye behtar hai. Mein ne arz kiya ke phir mein apna Khaibar ka hissa apne paas mehfooz rakhta hoon
.