Hum se Abul Yaman ne bayan kiya, kaha hum ko Shuaib ne khabar di, kaha hum se Abul Zinad ne bayan kiya, un se Abdur Rahman ne bayan kiya ke Tufail Bin Amr Dousi (Radi Allahu Anhu) apne sathiyon ke sath Nabi Kareem (Sallallahu Alaihi Wasallam) ki khidmat mein hazir hue aur arz kiya ke ya Rasul Allah! Qabila Dous ke log sarkashi par utar aaye hain aur Allah ka kalam sunne se inkar karte hain. Aap in par bad-dua kijiye! Baaz sahaba (Radi Allahu Anhum) ne kaha ke ab Dous ke log barbad ho jayein ge. Lekin aap (Sallallahu Alaihi Wasallam) ne farmaya: «allhm ahd dwsa wait bhm» "Ae Allah! Dous ke logon ko hidayat de aur unhein (dayera-e-Islam mein) kheench la."
.

Hum se Abu Naeem ne byaan kiya , kaha hum se Sufyan bin Uyaynah ne byaan kiya , un se Abdullah bin Zhakwan ne byaan kiya , un se Abdur Rahman Aaraj ne aur un se Abu Hurairah razi Allahu anhu ne byaan kiya ke Tufayl bin Amr razi Allahu anhu Nabi Karim salla Allahu alaihi wasallam ki khidmat mein hazir huay aur arz kiya ke qabila Daws to tabah hua . Is ne nafarmani aur inkar kiya (Islam qabool nahi kiya) Aap Allah se un ke liye dua kijiye . Nabi Karim salla Allahu alaihi wasallam ne farmaya ”Ae Allah! Qabila Daws ko hidayat de aur unhein mere yahan le aa .“

Hum se Ali ne bayan kiya, in se Sufyan ne kaha, in se Abu al-Zinad ne, in se Aaraj ne aur in se Abu Hurairah razi Allahu anhu ne bayan kiya ke Tufail bin Amr razi Allahu anhu Rasool Allahsalla Allahu alaihi wasallam ki khidmat mein hazir huay aur arz kiya: ya Rasool اللہ! Qabila Daus ne nafarmani aur sarkashi ki hai, Aap in ke liye bad-dua kijiye. Logon ne samjha ke Nabi Karim salla Allahu alaihi wasallam in ke liye bad-dua hi karein ge lekin Nabi Karim salla Allahu alaihi wasallam ne dua ki ke ”Ae Allah! Qabila Daus ko hidayat de aur unhein (mere paas) bhej de.“