Hum se Ishaq Bin Mansur ne bayan kiya, kaha hum ko Muhammad Bin Mubarak ne khabar di, kaha hum se Yahya Bin Hamza ne bayan kiya, kaha ke mujh se Yazid Bin Abi Maryam ne bayan kiya, unhein Abayah Bin Rafi Bin Khadij ne khabar di, kaha ke mujhe Abu Abs (Radi Allahu Anhu) ne khabar di, Aap ka naam Abdur Rahman Bin Jubair hai ke Rasul Allah (Sallallahu Alaihi Wasallam) ne farmaya "Jis bande ke bhi qadam Allah ke raste mein ghubar aalood ho gaye, unhein (Jahannam ki) aag chuye? (Ye namumkin hai)."
.

Hum se Ali bin Abdullah Madini ne byaan kiya , kaha ke hum se Waleed bin Muslim ne byaan kiya , kaha ke hum se Yazid bin Abi Maryam ne byaan kiya , kaha ke hum se Abayah bin Rifa'ah bin Rafi bin Khadeej ne byaan kiya , unhon ne byaan kiya ke main juma ke liye ja raha tha . Raaste mein Abu Abs razi Allahu anhu se meri mulaqat hui , unhon ne kaha ke main ne Rasool Allah salla Allahu alaihi wasallam se suna hai ke jis ke qadam Allah ki raah mein ghubaar aalood ho gaye Allah Ta'ala use dozakh par haram kar de ga .