Hum se Abdullah Bin Yusuf ne bayan kiya, kaha ke mujh se Laith ne bayan kiya, kaha hum se Yahya Bin Saeed Ansari ne bayan kiya, un se Muhammad Bin Yahya Bin Habban ne aur un se Anas Bin Malik (Radi Allahu Anhu) ne aur un se un ki khala Umm Haram Bint Milhan (Radi Allahu Anha) ne bayan kiya ke ek din Nabi Kareem (Sallallahu Alaihi Wasallam) mere qareeb hi so gaye. Phir jab Aap (Sallallahu Alaihi Wasallam) bedar hue to muskura rahe thay, mein arz kiya ke Aap kis baat par hans rahe hain? Farmaya meri ummat ke kuch log mere samne pesh kiye gaye jo ghazwah karne ke liye is behte darya par sawar ho kar ja rahe thay jaise badshah takht par charhte hain. Mein ne arz kiya phir Aap mere liye bhi dua kar dijaiye ke Allah Ta'ala mujhe bhi unhein mein se bana de. Aap (Sallallahu Alaihi Wasallam) ne un ke liye dua farmai. Phir dobara Aap (Sallallahu Alaihi Wasallam) so gaye aur pehle hi ki tarah is martaba bhi kiya (bedar hote hue muskuraye) Umm Haram (Radi Allahu Anha) ne pehle hi ki tarah is martaba bhi arz ki aur Aap (Sallallahu Alaihi Wasallam) ne wahi jawab diya. Umm Haram (Radi Allahu Anha) ne arz kiya Aap dua kar dein ke Allah Ta'ala mujhe bhi unhein mein se bana de to Aap (Sallallahu Alaihi Wasallam) ne farmaya tum sab se pehle lashkar ke sath hogi chunancha wo apne shohar Ubadah Bin Samit (Radi Allahu Anhu) ke sath musalmanon ke sab se pehle bahri bere mein shareek huein Muawiyah (Radi Allahu Anhu) ke zamane mein ghazwah se lautte waqt jab Sham ke sahil par lashkar utra to Umm Haram (Radi Allahu Anha) ke qareeb ek sawari layi gayi taake is par sawar ho jayein lekin janwar ne unhein gira diya aur isi mein un ka intiqal ho gaya
.

Hum se Abdullah Bin Yusuf ne bayan kiya Imam Malik se ' unhon ne Ishaq Bin Abdullah Bin Abi Talhah se unhon ne Anas Bin Malik (Radi Allahu Anhu) se suna ' aap bayan karte ke Rasul Allah (Sallallahu Alaihi Wasallam) Umm-e-Haram (Radi Allahu Anha) ke yahan tashreef le jaya karte thay (ye Anas Radi Allahu Anhu ki khala theen jo Ubadah Bin Samit Radi Allahu Anhu ke nikah mein theen) ek din Rasul Allah (Sallallahu Alaihi Wasallam) tashreef le gaye to unhon ne Aap (Sallallahu Alaihi Wasallam) ki khidmat mein khana pesh kiya aur Aap (Sallallahu Alaihi Wasallam) ke sar se juein nikalne lagein ' is arse mein Aap (Sallallahu Alaihi Wasallam) so gaye ' jab bidaar hue to Aap (Sallallahu Alaihi Wasallam) muskura rahe thay. Umm-e-Haram (Radi Allahu Anha) ne bayan kiya mein ne poocha ya Rasul Allah! Kis baat par aap hans rahe hain? Aap (Sallallahu Alaihi Wasallam) ne farmaya ke meri ummat ke kuch log mere samne is tarah pesh kiye gaye ke wo Allah ke raste mein ghazwa karne ke liye darya ke beech mein sawar is tarah ja rahe hain jis tarah badshah takht par hote hain ya jaise badshah takht-e-rawan par sawar hote hain ye shak Ishaq rawi ko tha. Unhon ne bayan kiya ke mein ne arz kiya ya Rasul Allah! Aap dua farmaiye ke Allah mujhe bhi unhein mein se kar de ' Rasul Allah (Sallallahu Alaihi Wasallam) ne un ke liye dua farmayi phir Aap (Sallallahu Alaihi Wasallam) apna sar rakh kar so gaye ' is martaba bhi Aap (Sallallahu Alaihi Wasallam) bidaar hue to muskura rahe thay. Mein ne poocha ya Rasul Allah! Kis baat par aap hans rahe hain? Aap (Sallallahu Alaihi Wasallam) ne farmaya meri ummat ke kuch log mere samne is tarah pesh kiye gaye ke wo Allah ki raah mein ghazwa ke liye ja rahe hain pehle ki tarah ' is martaba bhi farmaya unhon ne bayan kiya ke mein ne arz kiya ya Rasul Allah! Allah se mere liye dua kijiye ke mujhe bhi unhein mein se kar de. Aap (Sallallahu Alaihi Wasallam) ne is par farmaya ke tu sab se pehli fauj mein shamil hogi (jo bahri raste se jehad karegi) chunancha Muawiyah (Radi Allahu Anhu) ke zamana mein Umm-e-Haram (Radi Allahu Anha) ne bahri safar kiya phir jab samundar se bahar aayin to in ki sawari ne unhein neeche gira diya aur isi hadisa mein un ki wafat ho gayi
.

Hum se Abdullah Bin Yusuf ne bayan kiya Imam Malik se ' unhon ne Ishaq Bin Abdullah Bin Abi Talhah se unhon ne Anas Bin Malik (Radi Allahu Anhu) se suna ' aap bayan karte ke Rasul Allah (Sallallahu Alaihi Wasallam) Umm-e-Haram (Radi Allahu Anha) ke yahan tashreef le jaya karte thay (ye Anas Radi Allahu Anhu ki khala theen jo Ubadah Bin Samit Radi Allahu Anhu ke nikah mein theen) ek din Rasul Allah (Sallallahu Alaihi Wasallam) tashreef le gaye to unhon ne Aap (Sallallahu Alaihi Wasallam) ki khidmat mein khana pesh kiya aur Aap (Sallallahu Alaihi Wasallam) ke sar se juein nikalne lagein ' is arse mein Aap (Sallallahu Alaihi Wasallam) so gaye ' jab bidaar hue to Aap (Sallallahu Alaihi Wasallam) muskura rahe thay. Umm-e-Haram (Radi Allahu Anha) ne bayan kiya mein ne poocha ya Rasul Allah! Kis baat par aap hans rahe hain? Aap (Sallallahu Alaihi Wasallam) ne farmaya ke meri ummat ke kuch log mere samne is tarah pesh kiye gaye ke wo Allah ke raste mein ghazwa karne ke liye darya ke beech mein sawar is tarah ja rahe hain jis tarah badshah takht par hote hain ya jaise badshah takht-e-rawan par sawar hote hain ye shak Ishaq rawi ko tha. Unhon ne bayan kiya ke mein ne arz kiya ya Rasul Allah! Aap dua farmaiye ke Allah mujhe bhi unhein mein se kar de ' Rasul Allah (Sallallahu Alaihi Wasallam) ne un ke liye dua farmayi phir Aap (Sallallahu Alaihi Wasallam) apna sar rakh kar so gaye ' is martaba bhi Aap (Sallallahu Alaihi Wasallam) bidaar hue to muskura rahe thay. Mein ne poocha ya Rasul Allah! Kis baat par aap hans rahe hain? Aap (Sallallahu Alaihi Wasallam) ne farmaya meri ummat ke kuch log mere samne is tarah pesh kiye gaye ke wo Allah ki raah mein ghazwa ke liye ja rahe hain pehle ki tarah ' is martaba bhi farmaya unhon ne bayan kiya ke mein ne arz kiya ya Rasul Allah! Allah se mere liye dua kijiye ke mujhe bhi unhein mein se kar de. Aap (Sallallahu Alaihi Wasallam) ne is par farmaya ke tu sab se pehli fauj mein shamil hogi (jo bahri raste se jehad karegi) chunancha Muawiyah (Radi Allahu Anhu) ke zamana mein Umm-e-Haram (Radi Allahu Anha) ne bahri safar kiya phir jab samundar se bahar aayin to in ki sawari ne unhein neeche gira diya aur isi hadisa mein un ki wafat ho gayi
.