Hum se Abul Yaman ne bayan kiya ' unhon ne kaha ke hum ko Shuaib ne khabar di ' unhein Zuhri ne ' unhon ne kaha ke mujh se Ata Bin Yazid Laisi ne kaha aur un se Abu Saeed Khudri (Radi Allahu Anhu) ne bayan kiya ke arz kiya gaya ya Rasul Allah! Kaun shakhs sab se afzal hai? Aap (Sallallahu Alaihi Wasallam) ne farmaya "Wo momin jo Allah ke raste mein apni jaan aur maal se jehad kare." Sahaba (Radi Allahu Anhum) ne poocha is ke baad kaun? Farmaya "Wo momin jo pahar ki kisi ghati mein rehna ikhtiyar kare ' Allah Ta'ala ka khauf rakhta ho aur logon ko chor kar apni burayi se un ko mehfooz rakkhe."
.

Hum se Abu al-Yaman ne bayan kiya , unhon ne kaha hum ko Shuayb ne khabar di , in se Zuhri ne bayan kiya ke mujh se Ata bin Yazid ne bayan kiya aur in se Abu Saeed Khudri razi Allahu anhu ne bayan kiya , unhon ne kaha ke sawal kiya gaya: Ae Allah ke Rasool! Muhammad bin Yusuf ne bayan kiya , in se Awza'i ne bayan kiya , in se Zuhri ne bayan kiya , in se Ata bin Yazid Laysi ne bayan kiya aur in se Abu Saeed Khudri razi Allahu anhu ne bayan kiya ke ek aarabi Nabi Karim salla Allahu alaihi wasallam ki khidmat mein hazir hua aur poochha: ya Rasool Allah! Kaun shakhs sab se achha hai ? Farmaya ke woh shakhs jis ne apni jaan aur maal ke zariye jihad kiya aur woh shakhs jo kisi pahar ki khoh mein thehra hua apne Rabb ki ibadat karta hai aur logon ko apni burayi se mahfooz rakkhta hai . Is riwayat ki mutabia-t Zhubaydi , Sulayman bin Kaseer aur Numan ne Zuhri se ki . Aur Mamar ne Zuhri se bayan kiya , in se Ata ya Ubaidullah ne , in se Abu Saeed Khudri razi Allahu anhu ne bayan kiya aur in se Nabi Karim salla Allahu alaihi wasallam ne aur Yunus wa Ibn Musafir aur Yahya bin Saeed ne Ibn Shihab (Zuhri) se bayan kiya , in se Ata ne aur in se Nabi Karim salla Allahu alaihi wasallam ke kisi sahabi ne aur in se Nabi Karim salla Allahu alaihi wasallam ne .