Hum se Musaddad ne bayan kiya ' kaha hum se Abdul Waris ne bayan kiya ' un se Abul Tayyah ne aur un se Anas (Radi Allahu Anhu) ne ke Nabi Kareem (Sallallahu Alaihi Wasallam) ne farmaya tha "Ae Banu Najjar! Tum apne bagh ki qeemat mujh se wasool kar lo to unhon ne arz kiya ke hum is ki qeemat Allah Ta'ala ke siwa kisi se nahi chahte."
.

Hum se Adam ne bayan kiya, kaha hum se Sho’bah ne, kaha mujhe Abu Tayyah Yazeed bin Humaid ne Anas Radhiallahu Anhu se khabar di, woh kehte hain ke Rasoolullah Sallallahu Alaihi Wasallam Masjid ki ta’meer se pehle Namaz bakriyon ke baade mein padh liya karte the. (Ma’loom huwa ke bakriyon waghera ke baade mein bawaqt-e-zaroorat Namaz padhi jaa sakti hai).

Hum se Abu Ma'mar ne bayan kiya, kaha hum se Abdul Waris ne bayan kiya, un se Abu-al-Tayyah ne aur un se Anas (Radi Allahu Anhu) ne bayan kiya ke Nabi Kareem (Sallallahu Alaihi Wasallam) jab Madinah (hijrat kar ke) tashreef laye to Nabi Kareem (Sallallahu Alaihi Wasallam) ne masjid ki tameer ka hukm diya, Aap (Sallallahu Alaihi Wasallam) ne farmaya ae Bano Najjar tum (apni is zameen ki) mujh se qemat le lo lekin unhon ne arz ki ke hum is ki qemat sirf Allah Ta'ala se mangte hain. Phir Nabi Kareem (Sallallahu Alaihi Wasallam) ne mushrikeen ki qabron ke mutaliq farmaya aur wo ukhari di gayiein, veerana ke mutaliq hukm diya aur wo barabar kar diya gaya, khajoor ke darakhton ke mutaliq hukm diya aur wo kaat diye gaye aur wo darakht qibla ki taraf bicha diye gaye
.

Hum se Musa Bin Ismail ne bayan kiya, kaha ke hum se Abdul Waris ne, un se Abu-al-Tayyah ne, aur un se Anas (Radi Allahu Anhu) ne bayan kiya ke Nabi Kareem (Sallallahu Alaihi Wasallam) ne farmaya, ae Bano Najjar! apne bagh ki qeemat muqarrar kar do. (Aap Sallallahu Alaihi Wasallam ne is jagah ko masjid ke liye khareedna chahte thay) is bagh mein kuch hissa to veerana aur kuch hisse mein khajoor ke darakht thay
.