Hum se Musaddad ne bayan kiya, kaha hum se Bishr ne bayan kiya, kaha hum se Yahya ne bayan kiya, un se Bashir Bin Yasar ne aur un se Sahl Bin Abi Hasma (Radi Allahu Anhu) ne bayan kiya ke Abdullah Bin Sahl aur Muhayyisa Bin Masood Bin Zaid (Radi Allahu Anhuma) Khaibar gaye. Khaibar ke Yahudiyou se Musalmanon ki in dinon sula thi
.

Hum se Musaddad Bin Musarhad ne bayan kiya, kaha hum se Bishr Bin Mufaddal ne, kaha hum se Yahya Bin Said Ansari ne, un se Bashir Bin Yasar ne aur un se Sahl Bin Abi Hathma ne bayan kiya ke Abdullah Bin Sahl aur Muhaisa Bin Masood Bin Zaid (Radi Allahu Anhuma) Khaibar gaye. In dinon (Khaibar ke Yahudiyon se Musalmanon ki) sulah thi. Phir dono hazrat (Khaibar pahunch kar apne apne kaam ke liye) juda ho gaye. Is ke baad Muhaisa (Radi Allahu Anhu) Abdullah Bin Sahl (Radi Allahu Anhu) ke paas aaye to kya dekhte hain ke wo khoon mein laut rahe hain. Kisi ne un ko qatl kar dala, khair Muhaisa (Radi Allahu Anhu) ne Abdullah (Radi Allahu Anhu) ko dafan kar diya. Phir Madinah aaye, is ke baad Abdur Rahman Bin Sahl (Abdullah Radi Allahu Anhu ke bhai) aur Masood ke dono sahibzade Muhaisa aur Huwaisa Nabi Kareem (Sallallahu Alaihi Wasallam) ki khidmat mein hazir hue, guftagu Abdur Rahman (Radi Allahu Anhu) ne shuru ki, to Aap (Sallallahu Alaihi Wasallam) ne farmaya, ke jo tum logon mein umar mein bade hon wo baat karein. Abdur Rahman sab se kam umar thay, wo chup ho gaye. Aur Muhaisa aur Huwaisa ne baat shuru ki. Aap ne daryaft kiya, kya tum log is par qasam kha sakte ho, ke jis shakhs ko tum qatil keh rahe ho is par tumhara haqq sabit ho sake. In logon ne arz kiya ke hum ek aise muamle mein kis tarah qasam kha sakte hain jis ko hum ne khud apni ankhon se na dekha ho. Aap (Sallallahu Alaihi Wasallam) ne farmaya ke phir kya Yahud tumhare dawe se apni bara-at apni taraf se pachas qasamein kha kar ke kar dein? In logon ne arz kiya ke kuffar ki qasamon ka hum kis tarah aitibar kar sakte hain. Chunanche Aap (Sallallahu Alaihi Wasallam) ne khud apne paas se un ko deeyat ada kar di
.

Hum se Sulayman bin Harb ne bayan kiya , kaha hum se Hammad ne bayan kiya , woh Ibn Zayd hain , in se Yahya bin Saeed ne , in se Ansar ke ghulam Basheer bin Yasar ne , in se Rafi bin Khadeej aur Sahl bin Abi Hasma ne bayan kiya ke Abdullah bin Sahl aur Muhayyisah bin Masood Khaibar se aaye aur khajoor ke bagh mein ek doosre se juda ho gaye . Abdullah bin Sahl wahien qatl kar diye gaye . Phir Abd-ur-Rahman bin Sahl aur Masood ke donon bete Huwayyisah aur Muhayyisah Nabi Karim salla Allahu alaihi wasallam ki khidmat mein hazir huay apne maqtul saathi (Abdullah razi Allahu anhu) ke muqadma mein guftagu ki . Pehle Abd-ur-Rahman ne bolna chaha jo sab se chhote thay . Nabi Karim salla Allahu alaihi wasallam ne farmaya ke bare ki barayi karo . (Ibn Saeed ne is ka maqsud yeh) bayan kiya ke jo bara hai woh guftagu kare , phir unhon ne apne saathi ke muqadma mein guftagu ki . Nabi Karim salla Allahu alaihi wasallam ne farmaya ke agar tum mein se 50 aadmi qasam kha lein ke Abdullah ko Yahudiyon ne maara hai to tum diyat ke mustahiq ho jao ge . Unhon ne arz kiya: ya Rasool Allah! Hum ne khud to usay dekha nahi tha (phir is ke mutalliq qasam kaise kha sakte hain ?) Nabi Karim salla Allahu alaihi wasallam ne farmaya ke phir Yahood apne pachaas aadmiyon se qasam khulwa kar tum se chhutkara pa lein ge . Unhon ne arz kiya: ya Rasool Allah! Yeh kafir log hain (in ki qasam ka kya bharosa) chunanche Rasool Allah salla Allahu alaihi wasallam ne Abdullah bin Sahl ke warison ko diyat khud apni taraf se ada kar di . Sahl razi Allahu anhu ne bayan kiya ke in oonton mein se (jo Nabi Karim salla Allahu alaihi wasallam ne unhein diyat mein diye thay) ek oontni ko main ne pakra woh thaan mein ghus gayi , is ne ek laat mujhko lagayi . Aur Layth ne kaha mujh se Yahya ne bayan kiya , in se Basheer ne aur in se Sahl ne , Yahya ne yahan bayan kiya ke main samajhta hoon ke Basheer ne «ma-a Raafi-i-bin Khadeejin» ke alfaz kahe thay . Aur Sufyan bin Uyaynah ne bayan kiya , in se Yahya ne bayan kiya , in se Basheer ne aur unhon ne sirf Sahl se riwayat ki .

Hum se Abu Nuaym ne bayan kiya, kaha hum se Saeed bin Ubaid ne bayan kiya, in se Basheer bin Yasar ne, woh kehte thay ke qabila Ansar ke ek sahab Sahl bin Abi Hasmah ne unhein khabar di ke in ki qaum ke kuch log Khaibar gaye aur (apne apne kaamon ke liye) mukhtalif jagahon mein alag alag gaye phir apne mein ke ek shakhs ko maqtul paya. Jinhein woh maqtul mile thay, in se in logon ne kaha ke hamare saathi ko tum ne qatl kiya hai. Unhon ne kaha ke na hum ne qatl kiya aur na hamain qatil ka pata maloom hai? Phir yeh log Nabi Karim salla Allahu alaihi wasallam ke paas gaye aur kaha: ya Rasool Allah! Hum Khaibar gaye aur phir hum ne wahan apne ek saathi ko maqtul paya. Nabi Karim salla Allahu alaihi wasallam ne farmaya ke tum mein jo bada hai woh baat kare. Nabi Karim salla Allahu alaihi wasallam ne farmaya ke qatil ke khilaf gawahi lao. Unhon ne kaha ke hamare paas koi gawahi nahi hai. Nabi Karim salla Allahu alaihi wasallam ne farmaya ke phir yeh (Yahudi) qasam khayein ge (aur in ki qasam par faisla ho ga) unhon ne kaha ke Yahudiyon ki qasmon ka koi aitbar nahi. Nabi Karim salla Allahu alaihi wasallam ne usay pasand nahi farmaya ke maqtul ka khoon raigan jaye chunanche Aap ne sadqa ke oonton mein se sau oont (khud hi) diyat mein diye.

`Hum se Abdullah bin Yusuf ne bayan kiya, kaha hum ko Imam Malik ne khabar di, unhein Ibn Abi Laila ne (doosri sanad) Imam Bukhari Rahimahullah ne kaha ke hum se Ismail ne bayan kiya, kaha hum se Imam Malik ne bayan kiya, un se Abu Laila bin Abdullah bin Abdur Rahman bin Sahl ne, un se Sahl bin Abi Hasma ne, unhein Sahl aur un ki qaum ke baaz doosre zimmedaron ne khabar di ke Abdullah, Sahl aur Muhayyisa Radi Allahu Anhum Khaibar ki taraf (khajoor lene ke liye) gaye. Kyunke tang-dasti mein mubtala thay. Phir Muhayyisa ko bataya gaya ke Abdullah ko kisi ne qatl kar ke gaddhe ya kunwein mein daal diya hai. Phir wo Yahudiyoon ke paas gaye aur kaha ke wallah! tum ne hi qatl kiya hai. Unhon ne kaha: wallah! hum ne unhein nahi qatl kiya. Phir wo wapas aaye aur apni qaum ke paas aaye aur un se zikr kiya. Is ke baad wo aur un ke bhai Huwayyisa jo un se bade thay aur Abdur Rahman bin Sahl Radi Allahu Anhu aaye, phir Muhayyisa Radi Allahu Anhu ne baat karni chahi kyunke Aap hi Khaibar mein maujood thay lekin Nabi Kareem صلی اللہ علیہ وسلم ne un se kaha ke bade ko aage karo, bade ko Aap ki murad umr ki badayi thi. Chunancha Huwayyisa ne baat ki, phir Muhayyisa ne bhi baat ki. Is ke baad Nabi Kareem صلی اللہ علیہ وسلم ne farmaya ke Yahudi tumhare saathi ki diyat ada karein warna ladayi ke liye tayyar ho jayein. Chunancha Nabi Kareem صلی اللہ علیہ وسلم ne Yahudiyoon ko is muqaddama mein likha. Unhon ne jawab mein yeh likha ke hum ne unhein nahi qatl kiya hai. Phir Aap ne Huwayyisa, Muhayyisa aur Abdur Rahman Radi Allahu Anhu se kaha ke kya aap log qasam kha kar apne shaheed saathi ke khoon ke mustahiq ho sakte hain? In logon ne kaha ke nahi (kyunke jurm karte dekha nahi tha) phir Aap ne farmaya, kya aap logon ke bajaye Yahudi qasam khayein (ke unhon ne qatl nahi kiya hai)? Unhon ne kaha ke wo musalman nahi hain aur wo jhooti qasam kha sakte hain. Chunancha Nabi Kareem صلی اللہ علیہ وسلم ne apni taraf se sau oontoon ki diyat ada ki aur wo oont ghar mein laye gaye. Sahl Radi Allahu Anhu ne bayan kiya ke in mein se ek oontni ne mujhe laat maari.