Hum se Abdullah Bin Muslima ne bayan kiya Imam Malik se, un se Hisham Bin Urwah ne, un se un ke baap ne, un se Zainab ne aur un se Umm-ul-Salama (Radi Allahu Anha) ne ke Rasul Allah (Sallallahu Alaihi Wasallam) ne farmaya "Tum log mere yahan apne muqadmat late ho aur kabhi aisa hota hai ke ek tum mein doosre se daleel bayan karne mein barh kar hota hai (quwwat-e-bayaniya barh kar rakhta hai) phir mein is ko agar is ke bhai ka haq (ghalati se) dila doon, to wo halal (na samjhe) is ko na le, mein is ko dozakh ka ek tukra dila raha hoon."
.

Hum se Abdul Aziz Bin Abdullah ne bayan kiya, kaha ke mujh se Ibrahim Bin Saad ne bayan kiya, un se Salih Bin Kaisan ne aur un se Ibn Shihab ne ke mujhe Urwah Bin Zubair (Radi Allahu Anhu) ne khabar di, unhein Zainab Bint Umm-e-Salama (Radi Allahu Anhuma) ne khabar di aur unhein Nabi Kareem (Sallallahu Alaihi Wasallam) ki zauja mutahira Umm-e-Salama (Radi Allahu Anha) ne ke Rasul Allah (Sallallahu Alaihi Wasallam) ne apne hujre ke darwaze ke samne jhagrey ki aawaz suni aur jhagrah karne walon ke paas tashreef laye. Aap (Sallallahu Alaihi Wasallam) ne in se farmaya ke mein bhi ek insan hoon. Is liye jab mere yahan koi jhagrah lay kar aata hai to ho sakta hai ke (fareeqain mein se) ek fareeq ki behas doosre fareeq se umdah ho, mein samajhta hoon ke wo saccha hai. Aur is tarah mein is ke haq mein faisla kar deta hoon, lekin agar mein is ko (is ke ظahiri bayan par bharosa kar ke) kisi Musalman ka haq dila doon to dozakh ka ek tukra is ko dila raha hoon, wo lay lay ya chhor day
.

Hum se Muhammad bin Kaseer ne bayan kiya , in se Sufyan ne , in se Hisham ne , in se Urwah ne , in se Zeenat bint Umm Salama ne aur in se Umm Salama razi Allahu anhuma ne ke Nabi Karim salla Allahu alaihi wasallam ne farmaya ”main tumhare hi jaisa insan hoon aur baaz auqat jab tum bahami jhagra laate ho to mumkin hai ke tum mein se baaz apne fareeq e mukhalif ke muqabla mein apna muqaddama pesh karne mein zyada chalaki se bolne wala ho aur is tarah main is ke mutabiq faisla kar doon jo main tum se sunta hoon . Pas jis shakhs ke liye bhi is ke bhai ke haq mein se , main kisi cheez ka faisla kar doon to woh usay na le . Kyunke is tarah main usay jahannum ka ek tukra deta hoon .

`Hum se Abdullah bin Maslama ne bayan kiya, kaha hum se Imam Malik ne, un se Hisham ne, un se un ke walid ne, un se Zainab bint Abi Salama ne aur un se Umm-e-Salama Radi Allahu Anha ne ke Rasul Allah صلی اللہ علیہ وسلم ne farmaya ”Bilashuba mein ek insan hoon, tum mere paas apne jhagde late ho mumkin hai tum mein se baaz apne muqaddama ko pesh karne mein fareeq-e-sani ke muqabla mein zyada charb-zaban ho aur mein tumhari baat sun kar faisla kar doon to jis shakhs ke liye mein is ke bhai (fareeq-e-mukhalif) ka koi haqq dila doon, chahiye ke wo ise na le kyunke yeh aag ka ek tukda hai jo mein ise deta hoon.

`Hum se Abdul Aziz bin Abdullah ne bayan kiya, kaha hum se Ibrahim bin Saad ne bayan kiya, un se Salih ne, un se Ibn Shihab ne bayan kiya, unhein Urwa bin Zubair ne khabar di, unhein Zainab bint Abi Salama ne khabar di aur unhein Nabi Kareem صلی اللہ علیہ وسلم ki zauja Umm-e-Salama Radi Allahu Anha ne khabar di. Aap ne apne hujre ke darwaze par jhagde ki aawaz suni to bahar un ki taraf nikle. Phir Aap صلی اللہ علیہ وسلم ne farmaya ke mein bhi ek insan hoon aur mere paas log muqaddame le kar aate hain. Mumkin hai un mein se ek fareeq doosre fareeq se bolne mein zyada umda ho aur mein yaqeen kar loon ki wahi saccha hai aur is tarah is ke muwafiq faisla kar doon. Pas jis shakhs ke liye bhi mein kisi musalman ka haqq dila doon to wo jahannum ka ek tukda hai wo chahe ise le ya chhod de, mein is ko dar-haqiqat dozakh ka ek tukda dila raha hoon.

`Hum se Abul Yaman ne bayan kiya, kaha hum ko Shuaib ne khabar di, unhein Zuhri ne, unhein Urwa bin Zubair ne, unhein Zainab bint Abi Salama Radi Allahu Anha ne khabar di, un se un ki walida Umm-e-Salama Radi Allahu Anha ne bayan kiya ke Nabi Kareem صلی اللہ علیہ وسلم ne apne darwaze par jhagda karne walon ki aawaz suni aur un ki taraf nikle. Phir un se farmaya ke mein tumhare hi jaisa insan hoon, mere paas log muqaddama le kar aate hain, mumkin hai ek fareeq doosre se zyada umda bolne wala ho aur mein is ke liye is haqq ka faisla kar doon aur yeh samjhoon ke mein ne faisla sahih kiya hai (halanke wo sahih na ho) to jis ke liye mein kisi musalman ka haqq ka faisla kar doon to bilashuba yeh faisla jahannum ka ek tukda hai.