Mujh se Ishaq ne bayan kiya, kaha ke hum ko Yazid Bin Haroon ne khabar di, unhein Awam ne khabar di, kaha ke mujh se Ibrahim Abu Ismail Saksaki ne bayan kiya aur unhon ne Abdullah Bin Abi Aufa (Radi Allahu Anhu) ko ye kehte suna ke ek shaks ne apna saman dikha kar Allah ki qasam khayi ke ise is saman ka itna rupiya mil raha tha, halankay itna nahi mil raha tha. Is par ye ayat nazil hui "Innallazina yashtaruna bi-ahdillahi wa aimanihim samanan qalila" "Jo log Allah ke ahad aur apni qasmon ke zariya thori qeemat hasil karte hain." Ibn Abi Aufa (Radi Allahu Anhu) ne kaha ke gahakou ko phansane ke liye qeemat barhane wala sood-khor ki tarah khain hai
.

Hum se Amr Bin Muhammad ne bayan kiya, kaha ke hum se Hushaim ne bayan kiya, kaha ke hum ko Awam Bin Haushab ne khabar di, unhein Ibrahim Bin Abdur Rahman ne aur unhein Abdullah Bin Abi Aufa (Radi Allahu Anhu) ne ke bazaar mein ek shakhs ne ek saman dikha kar qasam khayi ke is ki itni qeemat lag chuki hai. Halankay is ki itni qeemat nahi lagi thi is qasam se is ka maqsad ek musalman ko dhoka dena tha. Is par ye ayat utri «Innal-ladheena yashtaroona bi-ahdil-lahi wa-aimanihim thamanan qaleela» ”Jo log Allah ke ahd aur apni qasmon ko thori qeemat ke badla mein bechte hain.“
.