Hum se Ismail Bin Abi Uwais ne bayan kiya, kaha ke mujh se Imam Malik ne bayan kiya Ibn Shihab se, wo Ubaidullah Bin Abdullah Bin Utba Bin Masood se, wo Abdullah Bin Abbas (Radi Allahu Anhuma) se aur aur wo Saab Bin Jassama (Radi Allahu Anhu) se ke unhon ne Nabi Kareem (Sallallahu Alaihi Wasallam) ki khidmat mein gor-khar ka tohfa pesh kiya tha. Aap (Sallallahu Alaihi Wasallam) is waqt maqam-e-Abwa ya maqam-e-Waddan mein thay (raavi ko shuba hai) Aap (Sallallahu Alaihi Wasallam) ne un ka tohfa wapas kar diya. Phir un ke chehre par (ranj ke aasar) dekh kar farmaya ke mein ne ye tohfa sirf is liye wapas kiya hai ke hum ihram bandhe hue hain
.

Hum se Abdullah Bin Yusuf ne bayan kiya, kaha ke hum ko Imam Malik ne khabar di, unhein Ibn Shihab ne, unhein Ubaidullah Bin Abdullah Bin Utba Bin Masood ne, unhein Abdullah Bin Abbas (Radi Allahu Anhuma) ne aur unhein Saab Bin Jathama Laithi (Radi Allahu Anhu) ne ke jab wo Abwa ya Waddan mein thay to unhon ne Rasul Allah (Sallallahu Alaihi Wasallam) ko ek gor-khar ka tuhfa diya to aap ne usay wapas kar diya tha, phir jab aap ne un ke chehron par narazgi ka rang dekha to aap ne farmaya wapasi ki wajah sirf ye hai ke hum ihram bandhe hue hain
.

Hum se Abu Al-Yaman ne bayan kiya, kaha hum ko Shoaib ne khabar di, unhein Zuhri ne, kaha ke mujhe Ubaidullah Bin Abdullah Bin Utba ne khabar di, unhein Abdullah Bin Abbas (Radi Allahu Anhuma) ne khabar di ke unhon ne Saab Bin Jassama Laisi (Radi Allahu Anhu) se suna, wo ashaab-e-Rasul Allah (Sallallahu Alaihi Wasallam) mein se thay. Un ka bayan tha ke unhon ne Aap (Sallallahu Alaihi Wasallam) ki khidmat mein ek gor-khar hadiya kiya tha. Aap (Sallallahu Alaihi Wasallam) is waqt maqam-e-Abwa ya maqam-e-Waddan mein thay aur muhram thay. Aap ne wo gor-khar wapas kar diya. Saab (Radi Allahu Anhu) ne kaha ke is ke baad jab Aap (Sallallahu Alaihi Wasallam) ne mere chehre par (narazi ka asar) hadiya ki wapsi ki wajah se dekha, to farmaya "Hadiya wapas karna munasib to na tha lekin baat ye hai ke hum ihram bandhe hue hain."
.