Hum se Ali Bin Abdullah ne bayan kiya, unhon ne kaha hum se Sufyan ne bayan kiya, unhon ne kaha hum se Ibn Abi Najih ne bayan kiya, un se Mujahid ne bayan kiya, un se Abu Maamar ne bayan kiya, aur un se Abdullah Bin Masood (Radi Allahu Anhu) ne bayan kiya ke Nabi Kareem (Sallallahu Alaihi Wasallam) (Fatah Makkah din jab) Makkah mein dakhil hue to Khana Kaabah ke charon taraf teen so sath but thay. Aap (Sallallahu Alaihi Wasallam) ke hath mein ek chari thi jis se Aap (Sallallahu Alaihi Wasallam) in buton par marne lage aur farmane lage ke "Jaa-al-Haqqu wa zahaqal-batilu" "Haq aa gaya aur baatil mit gaya"
.

Hum se Sadaqah bin Fadl ne byaan kiya ‘ kaha hum ko Sulayman bin Uyaynah ne khabar di ‘ unhein Ibn Abi Najih ne ‘ unhein Mujahid ne ‘ unhein Abu Mamar ne aur un se Abdullah bin Masood razi Allahu anhu ne byaan kiya ke Fatah Makkah ke din jab Nabi Karim salla Allahu alaihi wasallam Makkah mein dakhil huay to Bayt Allah ke charon taraf teen sau saath but thay . Nabi Karim salla Allahu alaihi wasallam ek chhari se jo dast e mubarak mein thi ‘ maarte jate thay aur is aayat ki tilawat karte jate «jaa'al haqqu wa zahaqal baatilu , jaa'al haqqu , wa ma yubdi'ul baatilu wa ma yua'eed» ke ”haq qaim ho gaya aur baatil maghloob ho gaya ‘ haq qaim ho gaya aur baatil se na shuru mein kuch ho saka hai na aainda kuch ho sakta hai .“

Hum se Abdullah bin Zubayr Humaydi ne byaan kiya , unhon ne kaha hum se Sufyan bin Uyaynah ne byaan kiya , un se Abdullah Ibn Abi Najih ne , un se Mujahid ne , un se Abu Mamar ne aur un se Abdullah bin Masood razi Allahu anhu ne byaan kiya ke Nabi Karim salla Allahu alaihi wasallam jab Makkah mein (fatah ke baad) dakhil huay to Kaaba ke charon taraf teen sau saath but thay . Nabi Karim salla Allahu alaihi wasallam apne hath ki lakri se ek ko takrate jate aur parhte jate «jaa'al haqqu wa zhahaqal baatilu innal baatila kaana zhahooqan» , «jaa'al haqqu wa ma yubdi'ul baatilu wa ma yueedu» haq aaya aur jhoot nabood hua beshak jhoot nabood hone wala hi tha .