Hum se Ishaq Bin Ibrahim ne bayan kiya, unhon ne kaha ke hum ko Muaz Bin Hisham ne khabar di, unhon ne kaha ke hum se in ke baap ne bayan kiya, un se Qatadah ne, un se Abul Mutawakkil Naaji ne aur un se Abu Saeed Khudri (Radi Allahu Anhu) ne bayan kiya ke Rasul Allah (Sallallahu Alaihi Wasallam) ne farmaya, jab mominon ko dozakh se najat mil jaye gi to unhein ek pul par jo Jannat aur dozakh ke darmiyan ho ga rok liya jaye ga aur wahin in ke mazalim ka badla day diya jaye ga. Jo wo duniya mein baham karte thay. Phir jab paak saaf ho jayeinge to unhein Jannat mein dakhla ki ijazat di jaye gi. Is zaat ki qasam! jis ke hath mein Muhammad ki jaan hai, in mein se har shakhs apne Jannat ke ghar ko apne duniya ke ghar se bhi behtar taur par pehchane ga. Yunus Bin Muhammad ne bayan kiya ke hum se Shaiban ne bayan kiya, un se Qatadah ne aur un se Abul Mutawakkil ne bayan kiya
.

Hum se Salt bin Muhammad ne bayan kiya , unhon ne kaha hum se Yazid bin Zuray ne bayan kiya is aayat ke baare mein «wa naza-naa maa fee sudoorihim min ghillin» kaha ke hamase Saeed ne bayan kiya , in se Qatadah ne bayan kiya , in se Abu al-Mutawak-kil Naaji ne aur in se Abu Saeed Khudri razi Allahu anhu ne bayan kiya ke Rasool Allah salla Allahu alaihi wasallam ne farmaya ”momineen jahannum se chhutkara pa jayein ge lekin dozakh wa jannat ke darmiyan ek pul par unhein rok liya jaye ga aur phir ek ke doosre par in mazhalim ka badla liya jaye ga jo duniya mein in ke darmiyan aapas mein huay thay aur jab kaant-chhant kar li jaye gi aur safayi ho jaye gi tab unhein jannat mein dakhil hone ki ijazat mile gi . Pas is zaat ki qasam jis ke hath mein Muhammad (salla Allahu alaihi wasallam) ki jaan hai! Jannatiyon mein se har koi jannat mein apne ghar ko duniya ke apne ghar ke muqabla mein zyada behtar tariqe par pehchan le ga .“