Hum se Yahya Bin Bukair ne bayan kiya, kaha ke hum se Laith ne bayan kiya, un se Yunus ne, un se Ibn Shihab ne, un se Ubaidullah Bin Utbah ne aur un se Ibn Abbas (Radi Allahu Anhuma) ne ke Saab Bin Jassamah Laishi (Radi Allahu Anhu) ne bayan kiya ke Rasul Allah (Sallallahu Alaihi Wasallam) ne farmaya, charagah Allah aur is ka Rasul hi mahfooz kar sakta hai. (Ibn Shihab ne) bayan kiya ke hum tak ye bhi pahuncha hai ke Nabi Kareem (Sallallahu Alaihi Wasallam) ne Naqee mein charagah banwayi thi aur Umar (Radi Allahu Anhu) ne Saraf aur Rabadhah ko charagah banaya
.

(Sabiqa sanad ke sath) Zuhri se riwayat hai ke unhon ne Ubaidullah se suna bawasta Ibn Abbas (Radi Allahu Anhuma) aur in se Saab (Radi Allahu Anhu) ne bayan kiya ‘ aur sirf «zrary» (bacchon) ka zikr kiya ‘ Sufyan ne kaha ke Amr hum se hadees bayan karte thay. In se Ibn Shihab ‘ Nabi Kareem (Sallallahu Alaihi Wasallam) se, (Sufyan ne) bayan kiya ke phir hum ne hadees khud Zuhri (Ibn Shihab) se suni. Unhon ne bayan kiya ke mujhe Ubaidullah ne khabar di, unhein Ibn Abbas (Radi Allahu Anhuma) ne aur unhein Saab (Radi Allahu Anhu) ne Aap (Sallallahu Alaihi Wasallam) ne farmaya " (Mushrikeen ki auraton aur bacchon ke mutalliq ke) wo bhi unhein mein se hain." (Zuhri ke wasta se) jis tarah Amr ne bayan kiya tha ke «hm mn abaihm» wo bhi unhein ke baap dadon ki nasl hain. Zuhri ne khud hum se in alfaz ke sath bayan nahi kiya yani «hm mn abaihm» nahi kaha balke «hm mnhm» kaha
.