Mujh se Ishaq ne bayan kiya, kaha hum se Ibn Numair ne bayan kiya, kaha ke humein Hisham ne khabar di (doosri sanad) aur mujh se Muhammad ne bayan kiya kaha ke mein ne Usman Bin Farqad se suna, unhon ne kaha ke mein ne Hisham Bin Urwah se suna, wo apne baap se bayan karte thay ke unhon ne Aisha (Radi Allahu Anha) se suna, wo farmatein theen ke (Quran ki ayat) «Wa-man kana ghaniyyan falyas-ta'fif wa-man kana faqeeran falya'kul bil-ma'roof» jo shakhs maldar ho wo (apni zir-e-parwarish yateem ka mal hazam karne se) apne ko bachaye. Aur jo faqeer ho wo naik niyate ke sath is mein se kha le.“ Ye ayat yateemon ke un sarparaston ke mutaliq nazil hui thi jo un ki aur un ke mal ki nigrani aur dekh bhaal karte hon ke agar wo faqeer hain to (is khidmat ke awaz) naik niyate ke sath is mein se kha sakte hain
.

Hum se Ubaid Bin Ismail ne bayan kiya, un se Abu Usama ne bayan kiya, un se Ubaidullah ne bayan kiya, un se Nafi ne bayan kiya aur un se Abdullah Bin Umar (Radi Allahu Anhuma) ne bayan kiya ke Nabi Kareem (Sallallahu Alaihi Wasallam) ne jab apna paye mubarak «grz» (rikab) mein dala aur oontni Aap (Sallallahu Alaihi Wasallam) ko le kar seedhi uth gayi to Aap (Sallallahu Alaihi Wasallam) ne Masjid-e-Zulhulaifa ke paas labbaik kaha (ihram bandha)
.

Hum se Ishaq bin Rahwayh ne byaan kiya , kaha hum ko Abdullah bin Numayr ne khabar di , kaha hum se Hisham bin Urwah ne byaan kiya , un se un ke walid ne aur un se Aisha razi Allahu anha ne Allah Ta'ala ke irshad «wa man kana ghaniyyan falyastaffif wa man kana faqeeran falyakul bil-maroofi» ”balkay jo shakhs khush-hal ho woh apne ko bilkul roke rakkhe . Albatta jo shakhs nadar ho woh wajibi taur par kha sakta hai .“ Ke baare mein farmaya ke yeh aayat yateem ke baare mein utri hai ke agar wali nadar ho to yateem ki parwarish aur dekh bhaal ki ujrat mein woh wajibi taur par (yateem ke maal mein se kuch) kha sakta hai (basharte ke niyat mein fasad na ho) .