Hum se Ismail Bin Uwais ne bayan kiya, unhon ne kaha ke mujh se Imam Malik ne bayan kiya, un se Muhammad Bin Yahya Bin Habban ne aur Abu-al-Zinad ne, un se Aaraj ne aur un se Abu Hurairah (Radi Allahu Anhu) ne bayan kiya ke Rasul Allah (Sallallahu Alaihi Wasallam) ne bai-e-mulamasa aur bai-e-munabaza se mana farmaya
.

Hum se Qutaiba bin Saeed ne bayan kiya, kaha hum se Laith ne Ibn Shihab se bayan kiya, unhon ne Ubaidullah bin Abdullah bin Utbah se, unhon ne Abu Saeed Khudri se ke Nabi Kareem Sallallahu Alaihi Wasallam ne samma ki tarah kapra badan par lapait lene se mana farmaya aur is se bhi mana farmaya ke aadmi ek kapre mein ihtiba kare aur is ki sharmgah par alaihida koi doosra kapra na ho.