Hum se Basheer Bin Muhammad ne bayan kiya, kaha ke hum ko Abdullah Bin Mubarak ne khabar di, unhein Husain Maktab ne khabar di, unhein Ata Bin Abi Rabah ne aur unhein Jabir Bin Abdullah (Radi Allahu Anhuma) ne ke ek shakhs ne apna ek ghulam apne marne ke baad ki shart ke sath azad kiya. Lekin ittefaq se wo shakhs muflis ho gaya, to Nabi Kareem (Sallallahu Alaihi Wasallam) ne is ke ghulam ko le kar farmaya ke usay mujh se kaun khareede ga. Is par Nuaim Bin Abdullah (Radi Allahu Anhu) ne usay itni itni qeemat par khareed liya aur aap (Sallallahu Alaihi Wasallam) ne ghulam un ke hawala kar diya
.

Hum se Ibn Numair ne bayan kiya, kaha ke hum se Waki ne bayan kiya, un se Ismail ne bayan kiya, un se Salama Bin Kuhail ne, un se Ata ne aur un se Jabir (Radi Allahu Anhu) ne bayan kiya ke Nabi Kareem (Sallallahu Alaihi Wasallam) ne mudabbar ghulam becha tha
.

Hum se Qutaiba ne bayan kiya, un se Sufyan ne bayan kiya, un se Amr ne, unhon ne Jabir Bin Abdullah (Radi Allahu Anhuma) ko ye kehte suna tha ke mudabbar ghulam ko Rasul Allah (Sallallahu Alaihi Wasallam) ne becha tha
.

Hum se Abdullah Bin Yusuf ne bayan kiya, kaha ke hum se Abdullah Bin Salim Himsi ne bayan kiya, un se Muhammad Bin Ziyad Al-Haani ne bayan kiya, un se Abu Umamah Bahili (Radi Allahu Anhu) ne bayan kiya Aap ki nazar phaali aur kheti ke baaz doosre aalat par pari. Aap ne bayan kiya ke mein ne Nabi Kareem (Sallallahu Alaihi Wasallam) se suna hai. Aap (Sallallahu Alaihi Wasallam) ne farmaya ke jis qaum ke ghar mein ye cheez dakhil hoti hai to apne sath zillat bhi lati hai
.

Hum se Musaddad ne bayan kiya, kaha ke hum se Yazid Bin Zuraie ne bayan kiya, un se Husain mualim ne bayan kiya, un se Ata Bin Abi Rabah ne bayan kiya, aur un se Jabir Bin Abdullah (Radi Allahu Anhuma) ne bayan kiya ke ek shakhs ne apna ek ghulam apni maut ke sath azad karne ke liye kaha. Nabi Kareem (Sallallahu Alaihi Wasallam) ne farmaya ke is ghulam ko mujh se kaun khareedta hai ? Nuaym Bin Abdullah ne ise khareed liya aur Aap (Sallallahu Alaihi Wasallam) ne is ki qeemat (aath so dirham) wasool kar ke is ke malik ko day di
.

Laith ne bayan kiya ke mujh se Jafar Bin Rabia ne bayan kiya, un se Abdur Rahman Bin Hurmuz ne aur un se Abu Hurairah (Radi Allahu Anhu) ne Rasul Allah (Sallallahu Alaihi Wasallam) se ke Aap (Sallallahu Alaihi Wasallam) ne kisi Israeli shakhs ka tazkira farmaya jis ne doosre Israeli shakhs se qarz manga tha aur us ne ek muqarrara muddat ke liye ise qarz day diya. (Jis ka zikar pehle guzar chuka hai)
.

Hum se Asim Bin Ali ne bayan kiya, kaha ke hum se Ibn Abi-Daib ne bayan kiya, un se Muhammad Bin Munkadir ne aur un se Jabir (Radi Allahu Anhu) ne ke ek shakhs ne apna ek ghulam azad kiya, lekin is ke paas is ke siwa aur koi maal na tha. Is liye Nabi Kareem (Sallallahu Alaihi Wasallam) ne ise is ka ghulam wapas kara diya. Aur ise Nuaym Bin Nahham ne khareed liya
.

Hum se Adam Bin Abi Iyas ne bayan kiya, kaha hum se Shuba ne bayan kiya, un se Amr Bin Dinar ne bayan kiya, unhon ne Jabir Bin Abdullah (Radi Allahu Anhuma) se suna, unhon ne kaha ke hum mein se ek shaks ne apni maut ke baad apne ghalam ki azadi ke liye kaha tha. Phir Nabi Kareem (Sallallahu Alaihi Wasallam) ne is ghalam ko bulaya aur ise bech diya. Jabir (Radi Allahu Anhu) ne bayan kiya ke phir wo ghalam apni azadi ke pehle hi saal mar gaya tha
.

Hum se Abu al-Nu-man ne bayan kiya , kaha hum ko Hammad bin Zayd ne khabar di , unhein Amr bin Dinar ne aur in se Jabir razi Allahu anhu ne ke qabila Ansar ke ek sahab ne apne ghulam ko mudabbar bana liya aur in ke paas is ghulam ke siwa aur koi maal nahi tha . Jab is ki ittila Nabi Karim salla Allahu alaihi wasallam ko mili to Aap ne daryaft farmaya ke mujh se is ghulam ko kaun khareedta hai . Nuaym bin Nah-ham razi Allahu anhu ne aath sau dirham mein Nabi Karim salla Allahu alaihi wasallam se usay khareed liya . Main ne Jabir razi Allahu anhu ko yeh kehte suna ke woh ek Qibti ghulam tha aur pehle saal mar gaya . Nabi Karim salla Allahu alaihi wasallam ne usay neelam farma kar is raqam se usay mukammal aazad kara diya .

`Hum se Abu Nu'man ne bayan kiya, kaha hum se Hammad bin Zaid ne bayan kiya, un se Amr bin Dinar ne aur un se Jabir Radi Allahu Anhu ne ke ek Ansari sahabi ne kisi gulam ko mudabbir banaya aur un ke paas is ke siwa aur koi maal nahi tha. Rasul Allah صلی اللہ علیہ وسلم ko jab is ki ittela mili to daryaft farmaya. Ise mujh se kaun khareede ga chunancha Nu'aim bin al-Nahham Radi Allahu Anhu ne aath sau dirham mein khareed liya. Bayan kiya ke phir mein ne Jabir Radi Allahu Anhu se suna unhon ne bayan kiya ke wo ek Qibti gulam tha aur pehle hi saal mar gaya.

`Hum se Ibn Numair ne bayan kiya, kaha hum se Muhammad bin Bishr ne bayan kiya, kaha hum se Ismail ne bayan kiya, kaha hum se Salama bin Kuhail ne bayan kiya, un se Ata ne aur un se Jabir bin Abdullah Radi Allahu Anhuma ne bayan kiya ke Nabi Kareem صلی اللہ علیہ وسلم ko maloom hua ke Aap ke sahabah mein se ek ne apne gulam ko mudabbir bana diya hai (ke un ki maut ke baad wo azad ho jaye ga) kyunke un ke paas is ke siwa aur koi maal nahi tha is liye Nabi Kareem صلی اللہ علیہ وسلم ne is gulam ko aath sau dirham mein bech diya aur is ki qimat unhein bhej di.